Versets bíblics populars de लूका 17

Comparteix

ओ़ह तिङला येशूगी ओ़ह सामरिया साने़की मिहला सुङ नाङसीन, “ता़ह सोङ, ख्‍येगी तेहपागीॱराङ ख्‍येला टा़ह च्‍य़ूक्‍यो यिहन।”

ख्‍येगी नो़हगी ख्‍ये थो़ला ङ्यिहमा च्‍यी़ला लेहमा तिहन थु तिहक्‍पा पेहसीनमाना ओहले खो लेहमा तिहन थुराङ ख्‍येसाला लो़ह ओहङदी ‘ङाहगी राहङगी तेहन्‍दाला तिहक्‍पा पेहसीन दु ङाहला कोहङदा नाङदोङ म़ेदी मासीमाना’ ख्‍येगी खोला कोहङदा तेर्तोङ।”

ओहले मेहन्‍दा च्‍यी़गी राहङ टा़हक्‍यो क्‍यी़ह ज्‍योर फान्‍ज्‍यो क़े छ्यिम्‍बुच्‍यी तेन्‍दी किन्‍ज्‍योला त़ेरा फुल्‍गेराङ लो़ह ओहङसीन। ओहले खो येशूगी स्‍याहपला ज्‍याल्‍दी थुज्‍यी-छ्ये़ फुल्‍सीन। ओहले खोदी सामरिया साने़की मिह यिहन्‍गे।

ओ़ह सोङबे ख्‍यागी दिगी तेहन्‍दाला जेम्‍बु पेहतोङ!” “ओहले येहपाराङ, ख्‍येगी आदा नो़हगी तिहक्‍पा पेहसीमाना खोला लोप्‍ताम क्‍याहप्‍तोङ, ओहले खोगी सेमगी स्‍या़बा पेहती तिहक्‍पा पाङसीमाना खोला कोहङदा तेर्तोङ।

ओहले येशूगी सुङ नाङसीन, “मिह च्‍युगाराङ चाङमा काहल्‍ग्‍यो मिहम्‍बा ले? राहङसा मेहन्‍दा कू़हदी का़हला येहबा ले?

ओहले चो़वोगी सुङ नाङसीन, “ख्‍या ङ्याम्‍बु राइ-सेन जेबा तेहपा येहसीमाना ख्‍यागी दि लार्ची ङ्या़हलाङ तोहङबोला, ‘ख्‍ये पो़हदी छो-क्‍याहम्‍जोला क्‍ये सोङ’ म़ेदी माॱनाङ ओ़ह तोहङबोगी ङ्यिहन्‍ज्‍ये येह।”

राहङगी मिहली सी़ज्‍ये छोल्‍गेन्‍दीगी मिहली तोर च्‍य़ूज्‍ये येह, ओहले राहङगी मिहली तोर च्‍य़ूगेन्‍दीगी मिहली ज्‍योर्च्‍ये येह।

ओहले येशूगी राहङगी स्‍याहप्‍च्‍यीया़ला सुङ नाङसीन, “मिहया़ला तिहक्‍पा पेह च्‍य़ूएँगी ङ्याहम्‍छेया़नी ओहङॱराङ ओहङगे। यिहॱनाङ, ओ़ह ल़ेहमु तिहक्‍पा पेह च्‍य़ूएँगी मिहगी च्‍याहवा ज्‍यिबुराङ चोक्‍पा ओहङज्‍ये येह। सुगी दि फेमा म़ेदी फेमाया़ला तिहक्‍पाला छ्यि च्‍य़ूगे, ओ़हदीलानी ज्‍यिङबाला ला़हवोर च्‍याङदी छो-क्‍याहम्‍जोला क्‍युर चाहङना या़हबु ओहङज्‍ये येहकें।

ओ़ह ङ्यिहमाला नोआगी ती़हजीला काहल्‍ग्‍यो ल़ेहमुराङ ओहङज्‍ये येह। नोआ छ्यु-टुहला स्‍युहएँ थु मिहया़ से़हदी थुङदी पा़हमा पेहती तेहती येहकें। ओहले स्‍योलो ओहङसीम्‍बाराङ खुङ थाम्‍ज्‍यीराङ छ्युला नुप्‍ती स्‍यिसीन।