Versets bíblics populars de लूका 5

Comparteix

सुङदेन नाङ सिहन फान्‍ज्‍यो येशूगी सिमोनला, “टुह-छ्युङ छ्यु तिहङ रिहङबु येहकेन ग्‍या़ला ख्‍येर्ती ङ्याहटा क्‍याहप्‍तोङ” म़ेदी सुङ नाङसीन।

ओहले सिमोनगी, “लोबेन ला़ह, ङ्यिहगी नुहप काहङ तुहक्‍पु पेहती ङ्याहटा क्‍याहप्‍तीॱआङ ङ्याह च्‍यिॱआङ च्‍य़ेह माहसीहन, यिहॱनाङ लोबेनगी सुङनाङ फान्‍ज्‍यो ङाहगी ङ्याहटा क्‍याहप तेर्केन” म़ेदी स्‍युहसीन। ओहले येशूगी सुङ नाङग्‍यो ल़ेहमुराङ जेती खुङया़गी ङ्याहटा क्‍याहप्‍केंमु क्‍याहक्‍चेराङ ङ्याह स्‍य़ूहदी ङ्याहटा राहल्‍ज्‍ये पेहसीन।

यिहॱनाङ येशूदी रिह-काम्‍बुला फेप्‍ती सोल्‍वाङ ताप्‍ती ज़्‍य़ू नाङगो येहकें।

ओ़ह ल़ेहमुराङ ङाह टाहङबु मिहया़ला मिहम्‍बा, तिहक्‍च्‍येम्‍बाया़ला सेमगी स्‍या़बा पेहती तिहक्‍पा पाङदोङ म़ेदी क़े क्‍याहप्‍च्‍येला ओहङग्‍यो यिहम्‍बा” म़ेदी सुङ नाङसीन।

दि थोङदी सिमोन-पत्रुस येशूगी स्‍याहपला पी़मु च़ूदी पत्रुसगी मासीन, “ओ़ चो़वो छ्येवा ला़ह, ङाहगी पोहला ज़्‍य़ू माहनाङ, ङाह तिहक्‍च्‍येम्‍बा यिहम्‍बा।”

ओहजेला येशूगी खुङया़ला सुङ नाङसीन, “नेहपा मिहला गा आम्‍ज्‍यी कोहएँ, थाङबु मिहलानी मेहकोहएँ।

ओहले येशूगी स्‍याहल सेन्‍दी खुङया़गी टुह-छ्युङ छोगी सुहरला ख्‍योङसीन ओहले थाम्‍ज्‍यीराङ से़हया़ क्‍युर ज़्‍या़दी येशूगी तिङदा तिङ काहल्‍सीन।

ङ्यिहमा च्‍यी़ युहल च्‍यी़ला ज़ुबु काहङग्‍याराङ जे थेन्‍ग्‍योगी मिह च्‍यी़ला येशूगी थु नाङसीन। ओहले ओ़ह नेहपागी येशूला थोङदी येशूगी स्‍याहपला खेप्‍चु क्‍याहप्‍ती, “ओ़ चो़वो छ्येवा ला़ह, लोबेनगी थुला येहसीमाना ङाहला टा़ह च्‍य़ू थुप्‍कें!” म़ेदी स्‍युहसीन। ओहले येशूगी खोला छ्या़गी दे़ नाङदी, “ङाहगी सेमला क्‍ये़दी येहबा ख्‍ये टा़हज्‍यु” म़ेदी सुङ-लुहङ मे़हबाराङ ओ़ह मिह टा़हसीन।

ओ़ह यिहन्‍ज्‍यु येशूगी जे नाङग्‍योकी छ्या़लेगी केच्‍याया़ तोहरोङ टाहम्‍दी काहल्‍सीन। ओहले मिह माहङबुराङ येशूगी सुङदेन ङ्यिहन्‍ज्‍ये दाङ नाहजाया़ टा़ह च्‍य़ूज्‍येला येशूसाला ओहङसीन।