Versets bíblics populars de लूका 9

Comparteix

ओहले येशूगी मिहया़ला सुङ नाङसीन, “त़ेदोङ, सुॱआङ ङाहगी तिङला ओहङज्‍ये सेम येहसीमाना खोगी राहङगी राहङला मा-लोक पेहच्‍यु ओहले ङ्यिहमा-टाहङमाराङ राहङगी क्‍याहङस्‍यीङ खुर्ती ङाहगी तिङदा तिङ ओहङज्‍यु।

का़हन्‍दीगी मिहली सी़ज्‍ये छोल्‍गे ओ़हदीगी मिहली तोर च्‍य़ूज्‍ये येह, ङाहगी तेहन्‍दाला का़हन्‍दीगी मिहली तेर्के ओ़हदीगी मिहली ज्‍योर्च्‍ये येह।

ओहले येशूगी सुङ नाङसीन, “लाङगो मोएँ मिह क्‍याहप्‍लो लो़हदी त़ेदी तेहसीमाना लाङगो मो मी़हखुएँ। ओ़ह ल़ेहमुराङ, ङाहगी तिङदा तिङ ओहङगेन मिह क्‍याहप्‍लो लो़हदी त़ेदी तेहसीमाना किन्‍ज्‍योगी क्‍याहल्‍सीकी तेहन्‍दाला खो फेन मे़हथोएँ!” म़ेदी येशूगी सुङ नाङसीन।

ख्‍यागी जाम्‍बुलीङ थाम्‍ज्‍यीराङ राहङगी लाहक्‍पाला लेहन्‍दी राहङगी मिहलीदी तोर च्‍यू़सीमाना ख्‍याला च्‍यि फेन थोएँ ले?

सुगी ङाहती मिहन दाङ लोप्‍च्‍युङ लेहन्‍ज्‍येला ङोहजा पेहकें, ङाह मिहगी स़ेबुगीॱआङ ङाह दाङ किन्‍ज्‍यो याहपकी ओहले नाम्‍पार-ताहक्‍पा स्‍यिहङगामकी स्‍याहप्‍च्‍यीया़की ज़िज्‍यिद नोम्‍दी फेप नाङगेमु खोला ङाह राहङदी माज्‍येला ङोहजा पेहच्‍ये येह।

ओहले येशूगी ओ़ह मिहला ल़ेहन क्‍याहप्‍नाङसीन, “लिहन्‍दीया़दी तेहच्‍येला फुक्‍पा येहबा, च्‍याह-च्‍यिहवाया़दी छाङ येहबा, मिहगी स़ेबुदीनी गो़ ज़्‍या़सा ग्‍या़ज्‍यीॱआङ म़ेह!” म़ेदी सुङ नाङसीन।

ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्‍दीॱलाङ चा़ पेहकें। च्‍यिबेमाना ख्‍या नाहङला सु थाम्‍ज्‍यी म़ेदी फेमा येहबा, खोराङ छ्यिम्‍बु ओहङगे।”