Versets bíblics populars de YOHAN 6

Comparteix

Yesu wa yao: bam re Ngo wa kao so' zo:ve ngad:- ngojhao" li" ra" yaug wa khonhae" re: vae: mamoe; nae"- ngore lam" ra" yaug wa khonhae" re: qid mashab' nae"

Kaoso' daui nhao: ru wa Mao"So: Byo ngad: ra"- Byu: qam: so' yang pe" maqo" kad' ngad: ra". Naonhaung" re ngo ta" kyo" ra" mungdao: jham wa kao so' daui nhao: ra" Mao"So: Byo re qo" nhao: ra".

Bab: qeim: lo" ba: ra" zo:ve qhid' mae" qam: dake' ge,- Mabab maqeim: lo" ra" apyad ato: kao so' zo:ve qhid' mae" qam: ke' ge,- Byu: Yao: Zo: wa ce: zo:ve naonhaung" re byid' li" nae". Pe"mung:ga"re Pho" Mao"So wa yao: myid vang" ra" aso: dazid re yao" dao mae thaung" te' to" ra".

Pe"mung:ga"re nga" Pho" myid o: ru wa Yao:Zo: re myao: ra" mo, alhab' wa lam" mung: apyad ato: kao so' qo" yu genae" qhid' mae" ngad: ra". Amung: ngo wa lo"thao" ra" ba na mae shid: rumae" kao so' daui: to" li" nhao nae"- ga: ta" ra".

Yesu wa Naonhaung" re zaui: nhao: ra" Mao"So o: ra" mau" wa yao" yang nhao: ke' ra" yaug re lam" nae" qhid' mae" ngad: ra" ga: tau" ra".

Nga" Pho" yang ngore byid' to" ra" mo, yaug khao: ngo" ngojhao" li" li" genae". Ngo jhao" li" ra" yaug khag' rere: ngo khonhae" re: manhao: tug' ke' nae".

Simon Petru wa Asang we"- ngonhaung" khag' jhao" ba: lo" nae" i? Nao wa apyad ato kao so' daui nhao: ra" mungdao: qo" yaug ngad: ra".

Ngo wa mug:gaung mae" gyo" li" ra" kao so' mug ngad:- ce: mug re zo" ra" yaug wa apyad ato kao so' daui: na: li" nae"- ngo byid: nae" ra" mug wa myid gaung byu qe daui: na nae" qhid' mae" nga" gaung sho: ngad: ra"- ga: ta" ra".

Ngo re nhao: ke' ra" Pho" yang ngojhao" malao" te' byid: re khag' re: ngojhao" maqo" te' li" ngad: ra". Ngo wa ngojhao" li" ra" yaug re lo" thao" ra" ba na mae shid: rumae" daui: to" li" nhao nae"

Pe"mung:ga"re Mao"So byid' ra"ai: zo:ve agyang" wa mug:gaung mae" gyo" li" mung:- Myid gaung byu qere kao so' byid' ra" yaug ngad: ra"- ga: ta" ra".

Ngo wa kao so' mug ngad:

Yesu wa ai: mug re yu: yu mung: Mao"So re jeju bin: caung: byid: lao"- aimae zaung: jo, ko" ra" mo, byu qere gae byid' ra". Ngo: rere: ai we' dakhyo: kad' ra"- Mo,byu qe wa yao: bam o: nho" zo" ako". Yao: bam alhab' mo, zo" gyi: vagelao"- Yesu wa amyid: avho: maboe" vashao:- zo" tang" ra" aje, aman" jham re gaug: zhang: yu ge,- ga: yao" mho"zo: qere ta" ra".

Mho"zo: qe wa khyo sam byid man: vha" ko bin: gau" lo" gethao re- Yesu wa qid dao mae khyo su" lo: na mung:- lha khyo te' lo: na: rure yao: bam myao gelao"- yao: bam wa gyaug: din: pye' ako". Yesu wa dagyaug ge,- ngo angad: ga: yao: bam re ta" ra".