Versets bíblics populars de San Juan 21

Comparteix

Ko y'ajop'ajttaaygyu̶xy, chi je̱'e̱ Jesús je̱'e̱ Simón Pedro yajtu̶u̶y: —Simón, je̱'e̱ Juan y'ung, ¿nej xychojkpu̶ch miich ni'igyu̶ ni'igu̶ ka'p u̶u̶ch adayaaba ndiscípulotu̶jk ajku̶xyñu̶ba? Chi je̱'e̱ Pedro y'adzooy: —Du'un, Windzú̶n, miich mnejwu̶u̶by ko u̶u̶ch miich ndzoky nju̶wu̶'u̶y. Chi je̱'e̱ Jesús ñu̶maayu̶: —Kweentu̶'ajtu̶gyu̶ch je̱'e̱ nja'ay, du'un neby je̱'e̱ borreegu̶ kweentu̶'ajtpu̶ je̱'e̱ byorreegu̶'úng kweentu̶'átyu̶ñ. Chi je̱'e̱ Jesús mu̶me̱jtz'ook yajtu̶u̶wu̶: —Simón, je̱'e̱ Juan y'ung, ¿nej xychojkpu̶ch miich u̶u̶cha? Chi je̱'e̱ Pedro y'adzooy: —Du'un, Windzú̶n, miich mnejwu̶u̶by ko u̶u̶ch miich ndzoky nju̶wu̶'u̶y. Chi je̱'e̱ Jesús ñu̶maayu̶: —Kweentu̶'ajtu̶gyu̶ch je̱'e̱ nja'ay, du'un neby je̱'e̱ borreegu̶ kweentu̶'ajtpu̶ je̱'e̱ byorreegu̶ kweentu̶'átyu̶ñ. Chi mu̶du̶gu̶u̶g'ook yajtu̶u̶wu̶: —Simón, je̱'e̱ Juan y'ung, ¿nej xychojkpu̶ch miich u̶u̶cha? Chi je̱'e̱ Pedro tyajtu̶gu̶u̶y myaaydyu̶gu̶u̶y ko mu̶du̶gu̶u̶g'ook yajtu̶u̶wu̶ pu̶nu̶ tzojku̶p najty, chi adzooy: —Windzú̶n, miich ku̶xyu̶ mnejwu̶ydya'ay: miich mnejwu̶u̶by ko u̶u̶ch miich ndzoky nju̶wu̶'u̶y. Chi je̱'e̱ Jesús ñu̶maayu̶: —Kweentu̶'ajtu̶gyu̶ch je̱'e̱ nja'ay, du'un neby je̱'e̱ borreegu̶ kweentu̶'ajtpu̶ je̱'e̱ byorreegu̶ kweentu̶'átyu̶ñ.

Janch tu̶y'ajtu̶ñ miich du'un nnu̶ma'ay ko najty mdzugajy'ana'k'átyñu̶, ku̶'u̶m najty je̱'e̱ mwit myajtu̶gu̶'u̶y ko naty mnu̶kxa'añ ma naty je̱'e̱ m'aa mjoot timychokyu̶ñ; peru̶ ko naty m'amu̶jja'ayu̶u̶yñu̶, mxajtú̶wu̶py je̱'e̱ mgu̶'u̶ y wiingpu̶ je̱'e̱ mwit xyajpú̶ku̶p, y xyajnú̶kxu̶ch ma naty ka'p mja'anu̶kxa'añu̶ñ.

Mu̶'it je̱'e̱ Jesús ñu̶maayu̶ ajku̶xy: —Pu̶daakku̶x je̱'e̱ mgu'uju̶bijptzaay mejyjyooty a'oy'eemby ma je̱'e̱ bárcu̶ju̶ñ, y mu̶'it je̱'e̱ akx mgu'uju̶bijpku̶xu̶ch. Y chi je̱'e̱ kyu'uju̶bijptzaay a'oy'eemby pu̶daakku̶xy, y ka'p najty je̱'e̱ y'okmaayu̶gu̶xnu̶ neby yajpu̶dzu̶u̶mgu̶xu̶chu̶ñ, je̱' ko je̱'e̱ may'akx najty tu̶ ku'uju̶bijpku̶xy.

Chi je̱'e̱ Simón Pedro je̱'e̱ myu̶gu'ugtu̶jk nu̶maay: —Nnú̶kxyu̶ch n'ok'akxku'uju̶bípy. Chi je̱'e̱ myu̶gu'ugtu̶jk y'adzoowu̶gu̶xy: —U̶u̶ch nnu̶kxaambu̶ch nandu'un ajku̶xy mu̶u̶d miich. Chi chóngu̶xy, y pye̱jtku̶xy ma tu'ug bárcu̶ju̶ñ, peru̶ je̱'e̱ mu̶'it koodz ka'p ni tii ku'uju̶bijpy ajku̶xy.