Versets bíblics populars de San Lucas 23

Comparteix

[Chi je̱'e̱ Jesús myu̶naañ: —Dios Teedy, winme̱kxu̶ yu̶'u̶ pyoky kyu̶dyeey ajku̶xy, je̱' ko ka'p nejwu̶u̶ygyu̶xy tii tyuungu̶xypyu̶ñ.] Y chi je̱'e̱ tziptuumbu̶tu̶jk suerte ijxy ajku̶xy ko najty je̱'e̱ Jesús wyit yajwa'kxaanu̶ ajku̶xy agu̶ je̱'.

Chi je̱'e̱ Jesús y'adzoowu̶: —Janch tu̶y'ajtu̶ñ du'un nnu̶ma'ay ko cham u̶u̶ch miich jiiby nmu̶d'ijtnu̶ch ma je̱'e̱ oybyu̶ ittu̶ñ.

Chi je̱'e̱ me̱tzpu̶ nu̶maay je̱'e̱ Jesús: —Tun may'ajt xyjya'aymyé̱dzu̶bu̶ch ko naty jiiby mja'ady ma je̱'e̱ m'ane̱'e̱mdaaktu̶ñ.

Mu̶'it je̱'e̱ Jesús mu̶k yaaxkeeky y myu̶naañ: —¡Dios Teedy, cham nyajku̶'u̶du̶gu̶'u̶y u̶u̶ch je̱'e̱ n'aanu̶mu̶! Y ko du'un myu̶naañ, chi y'o'ky.

Ko jim jya'tku̶xy ma je̱'e̱ it lugaar tu'ug mu̶dyiibu̶ xu̶u̶'ajtpu̶ñ o'kpu̶ ku'ubajk it, chi je̱'e̱ Jesús jim yajcruutzpejty ajku̶xy mu̶u̶d je̱'e̱ me̱e̱tzpu̶du̶jk me̱tzk, tu'ug y'a'oy'eemby y ja'adu'ug y'anajty'eemby.

Kujkyxyu̶u̶ najty ko oy kyoodzu̶ydya'ay ku̶xyu̶ je̱'e̱ naaxwiimbu̶ y tu̶gu̶u̶g hooru̶ du'un y'ijty. Je̱'e̱ xu̶u̶ ka'p je̱'e̱ y'ok'aanu̶, y chi je̱'e̱ wit kyu̶tzwa'kxy kujktu̶na'a'eemby mu̶dyiibu̶ je̱'e̱ mu̶jtzajptu̶jk najty mu̶u̶d y'adu̶u̶ydyúkyu̶ch ma je̱'e̱ Dios y'itu̶ñ.

Ko je̱'e̱ tziptuumbu̶ romano windzú̶n du'un ijxy neby najty tu̶ tyuñ tu̶ jyadyii, chi je̱'e̱ Dios ja'aymyejch o'owu̶dajty, y myu̶naañ: —Jaanchxu̶m adayaaba ja'ay ijty ka'p pyokymyu̶u̶du̶ch.