Versets bíblics populars de San Lucas 12

Comparteix

Ha nix hichex, chapaluquex me, como ya xtal te Nich'anil ay ta scuenta winic te bin ora ma ba yac ana'belic a, xchi.

Ha nahil xalehic te cuentahinel yu'un Dios, hich ya x'a'botex spisil a ini.

Hich la yalbe te yantique: Tsahtaya me abahic yu'un spisil bic'tal-o'tanil, como te scuxlejal te winic ma ha'uc ay sc'oblal te ay bayel bintic ay yu'un, xchi.

Como te banti ay te ac'uhlejalic, tey ay a te awo'tanique.

Soc ¿mach'ahex a te ta scuenta sna'ulanel ta awo'tanic te ya xhu' yac anahtubtes xan aba junuc xuhc'ubil?

Te Jesús la yalbe te jnopojeletic yu'un: Ha yu'un ya calbeyex, ma me xbaht ta awo'tanic sna'ulanel bin ut'il ya xcuxajex, ha te bin yac awe'ic; o te abaq'uetal, bin yac alapic.

Ha nix hich ahtaybil te jaylihc stsotsel ajolique. Ha yu'un ma me xiwex, c'ax hich ac'oblalic a te bin ut'il bayel ha'mal mutetic.

Ma me xiwex, tut jtsohb tuminchijex, como te Atatic lec ya ya'iy te ya ya'beyex te cuentahinel yu'une.

Ilawilic te jojetic: ma ba ya ya'iyic awal soc ma ba ya ya'iyic c'ajoj; mayuc snahul o yawil te yawal-ts'unubic, pero mac'limbilic yu'un Dios. ¿Ma bal c'axuc hich ac'oblalic a te bin ut'il te mutetique?

Ha yu'un ma me xbaht ta awo'tanic sna'ulanel te bin yac awe'ic o te bin yac awuch'ic; ma me xawac' awocolic ta sna'ulanel

Teme Dios hich ya ya'be yutsilal te ha'mal nichimetic te yo'tic ay ta q'uinal soc ta yan c'ahc'al ya yich'ix otsesel ta c'ahc' ta horno, ¿ma bal c'axemuc to xan hich ay bin ya ya'beyex alapic, ha'ex te mayuc lec sch'uhunel awo'tanique?

como mayuc bin muquen te ma ba ya xchicnaj, soc mayuc bin nac'al te ma ba ya xna'ot.