Versets bíblics populars de San Lucas 14

Comparteix

Te mach'a ya xtal ta jtojol, teme ma ba ya sloq'ues ta yo'tan te sme'stat, yihnam, yal-snich'nab, sbanquiltac, swixitac, yihts'inab soc nix te scuxlejale, ma xhu' ya x'och ta jnopojel cu'un.

Soc te mach'a ma ba ya sq'uech te cruz yu'un soc ya st'unon, ma xhu' ya x'och ta jnopojel cu'un.

Como spisil te mach'a ya yac' sba ta ich'el ta muc', ya me yich' pehc'anel, yan te mach'a peq'uel ya yac' sba, ha me ya xtohytesbot sc'oblal stuquel, xchi.

Ha nix hich te ha'exe, teme ma ba yac awihquitay ta awo'tanic spisil bintic ay awu'unic, ma xhu' ya x'ochex ta jnopojel cu'un.

¿Mach'ahex a te yac ac'an yac apasic toyol ilo-q'uinal, te ma nahiluc yac ahuhcan abahic ta spasel cuenta teme tic' ya xhu' a te jayeb ay awu'une? Teme hip hu' awu'un spasel a te yich'o-ip, patil ma ba hu' awu'un shu'tesel, spisil te mach'atic ya yilic, ya xhahch slabanat yu'un: Ha'i winic ini hahch spas ilo-q'uinal, pero ma ba hu' yu'un shu'tesel, xchihic ta atojol.

Teme yac apas bayel we'elil, ha me xawic'ticlan te pobrehetic, nolc'abetic, coxo'etic soc ts'o'sitetic; hich me bayel awutsil ya xc'ohat, como ma xhu' yu'unic sjeltayel stuquel; pero ya me x'a'botat sjelol te c'alal ya sta yorahil ya xcha'cuxajic te mach'atic toj yo'tanique, xchi sc'oblal.

Lec ay te ats'ame; pero teme laj te schi'ile, ¿bin ut'il c'an taluc xan schi'il? Ma ba ya xtuhun yu'un te lum o te sch'ayojibal c'a'pal; ha ya yich' ch'ojel loq'uel ta fuera. Te mach'a ay schiquin, ac'a me ya'iy, xchi.