Versets bíblics populars de San Lucas 3

Comparteix

Te c'alal yac yich'bel ha' spisil te pueblo, ha nix hich la yich' ha' te Jesús. Yac ta sc'oponel Dios a, jahm te ch'ulchan, co tal ta stojol Jesús te Ch'ul Espíritu, sjel ta stsuhmut, soc ay c'op tal ta ch'ulchan te hich la yal: Ha'at Jnich'anat te bayel c'uxat ta co'tan, buen lec co'tan awu'un, xchi.

Ha yu'un la sjac' te Juan, hich la yalbe spisilic: Melel ho'on ya ca'beyex awich'ic ha', pero ay mach'a ya xtal te c'ax hich yu'el a te bin ut'il te ho'one, te ma ba ya xtuhunon yu'un stilbeyel sc'ab step, ha ya ya'beyex awich'ic te Ch'ul Espíritu soc c'ahc'.

Ac'a chicnajuc ta ilel ta awa'telic te suhtemix awo'tanic, ma me hichuc ya xhahch anop ta awo'tanic: Ha jtatcotic te Abraham, ma me xchihuquex, como ya calbeyex te Dios ya xhu' ya sc'atp'un ta yal-snich'an Abraham ha'i tonetic ini.

Soc chapalix te echej te ya sbojbe slohp' te te'etique. Ha yu'un spisil te'etic te ma lecuc sit ya yac', ya me yich' ts'etel soc ya me yich' ch'ojel ochel ta c'ahc', xchi.

hich te bin ut'il ts'ihbabil hilel te sc'op te jalwanej Isaías, te hich ya yal: Ay mach'a tulan yac ta c'op ta jochol taquin q'uinal: Chahpambeyahic sbe te Cajwaltic, tojobtesbeyahic te behetic yu'une. Spisil spamlejetic ya me yich'ic but'ticlanel, soc ya me yich'ic pehc'anel spisil witsiltic soc tsehletic. Te behetic ma tojuc, ya yich'ticlan tojobtesel, soc te bantic chuhcul te be, ya yich'ticlan pahmanel. Spisil ants-winiquetic ya me yilic te colel yu'un Dios, te xchihe.