Versets bíblics populars de San Lucas 8

Comparteix

Yan te c'oht ta lequil lum, ha sc'oblal te mach'atic lec soc toj yo'tanic te ya sq'uej ta yo'tanic soc spisil ora ya yaq'uic sit.

Te c'oht ta yohl ch'ixileltic, ha sc'oblal te mach'atic ya ya'iyic, pero c'alal ya xc'ax c'ahc'al ya xtenotic yu'un te bintic ya xmacotic yu'un, ha te c'uhlejalil soc te yac'oltayel scuxlejal, hich ma xyijub sit.

Te c'oht ta ba tontiquil, ha sc'oblal te mach'atic tse'el yo'tan ya ya'iyic, pero mayuc slohp'; cheb oxeb nax c'ahc'al ya sch'uhunic, pero ta yorahil te ya xtal tsajel, ya xloq'uic bahel.

¿Banti ay te sch'uhunel awo'tanic? xchi te Jesuse. Xiwic soc xcham yo'tanic yu'un, talel c'axel hahch yalbe sbahic: ¿Mach'a a ini te ya spas ta mandar te ic' soc te ha', soc te ya xch'uhumbot smandar yu'une? xchihic.

Te c'oht ta ti'be, ha sc'oblal te mach'atic ya ya'iyic, pero ora ya xtal te pucuj, ya sloq'uesbe ta yo'tanic te c'op scuenta yu'un ma ba ya sch'uhunic soc ma ba ya xcolic yu'un.

Como mayuc bin mucul te ma ba ya xchicnaj ta patil; soc mayuc bin nac'al te ma ba ya xna'ot soc te ya xloc' tal ta sacal q'uinal.

C'alal la yil te ants te ma xhu' ta muquel, yac ta nihquel a tal squejan sba ta ye'tal yoc Jesús, la yalbe ta stojol spisilic te bin scuentahiluc la spicbe sc'u' soc bin ut'il lecub ta ora. Hich halbot yu'un te Jesús: Cantsil-nich'an, lecubatix ta scuenta sch'uhunel awo'tan. Jun awo'tan bahan, xchi.

Te jnopojeletic baht stijic hahchel te Jesús: ¡Maestro, Maestro, ya xlajotiquix! xchihic. Cux yo'tan te Jesús, la scom te ic' soc te mar te yac ta ixtalanel ta ic'. Hich quehchaj, lamal bahel q'uinal.