Versets bíblics populars de San Marcos 14

Comparteix

Hich la yal: Abba, Jtat, spisil ya xhu' awu'un; loq'uesa ta jtojol te taza ini; pero ma ha'uc te bin ya sc'an co'tan, ac'a c'ohtuc ta pasel te bin ya sc'an awo'tan atuquel, xchi.

Cuxuluc awo'tanic soc c'oponahic Dios, scuenta yu'un hich ma ba yac atahic sujel ta mulil a. Ay yip stuquel te awo'tanic, pero mayuc yip te abaq'uetalique, xchi.

Jamal ya calbeyex, ta bayuc ya yich' halel te lec yach'il c'op ini, ta swohlol bahlumilal, tey nix ya yich' halel a te bin la spasbon ha'i ants ini scuenta sna'ojibal te antse, xchi.

Hich la yal: Bayel ay ta mel-o'tan te jch'uhlel, ya xlajonix ya ca'iy yu'un. Hilanic li'i, cuxuluc awo'tanic, xchi.

Yacalic ta we'el a, te Jesús la stsac te pan, la yalbe wocol Dios yu'un, la xet' soc la spucticlambe te jnopojeletic yu'une, hich la yal: Tsacahic, ha jbaq'uetal ini, xchi.

Patil la stsac te taza, la yalbe wocol Dios yu'un, la yac'ticlambe, la yuch'ic ta spisilic. Hich la yal: Ha jch'ich'el ini yu'un te yach'il chapbil-c'op te ha ya yich' malel ta scuenta tsobolic.

Hich halbotic yu'un te Jesús: Yo'tic ta ahc'abal ya xpehc'aj awo'tanic ta jtojol ta apisilic, como hich ts'ihbabil hilel: Ya quehchentes te jcanan-tuminchij, ya xpuhquic bahel ta ahnel te tuminchijetique, xchi.

Hahchanic, conic; ilawilic, talix te mach'a ya yac'on ta c'abal, xchi.

Halbot yu'un te Jesús: Jamal ya calbat, yo'tic ta ahc'abal, c'alal ma to x'oc' cheb buelta a te tat mut, oxeb buelta yac amucon ta awo'tan, xchi sc'oblal.