Versets bíblics populars de JUAN 15

Comparteix

Ñucami, uva yura cani, cangunaca malquicunami canguichi. Maijan cashpapash Ñucahuan causajujpillami, Ñucapash Paihuan causajusha. Paica, granota ninanda fucunshnami causajunga. Ñucamanda anchurishpaca, imata ruraitapash na ushashpami causanguichi.

Canguna, Ñucahuan causanajujpimi, Ñucapash cangunahuan causajuni. Uva yuramanda anchuchishca malquipica, na paimandallata fucunllu. Cangunapash na Ñucahuan causanajushpaca chashnallatami canguichi.

Canguna Ñucahuan causajushpa, Ñuca villajushca shimicunatapash yariashpa causashpaca, tucui imata cashpapash Ñuca Taitata mañanguichilla. Paica carangallami.

Ñucataca na canguna agllashcachu canguichi. Ashtahuangarin, Ñucami cangunataca agllarcani. Aliguta fucuj yuragushna causanata villagrichunmi cangunataca agllarcani. Chai granoca causaitami causanga. Chashna cajpica, Ñuca shutipi canguna, Ñuca Taitata imaguta mañajpipash, Paica carangallami.

Maijan cashpapash, paipaj cumbamanda huañushpami, ninandapacha juyashcataca ricuchijun.

Ñucapi maijan malquipash na fucujtaca tucuillami cuchushpa anchuchinga. Ali fucujujtaca, ashtahuan ali fucuchunmi ima na alitapash anchuchinga.

Caimi Ñuca mandashca shimicuna: Imashnami cangunata juyarcani, chashnallatami cangunapash caishujhuan chaishujhuan juyarishpa causana canguichi.

Aliguta fucujujshna causajpimi, Ñucapaj yachajujcuna cajtaca ricunga. Shina ricushpami, Ñuca Taitataca ninanda alicachinajunga.

Ñucami, uva yuragushna cani. Ñuca Taitaca, uva chagrata tarpujmi capan.

Ñucahuan na causajujtaca, na fucuj malquitashna canllaman shitajpimi chaipi chaquinga. Chaitaca tandachishpa, ninapi shitajpimi rupajunga.

Caicunataca, Ñucapaj ninan cushijuita chasquishpa, canguna ninanda cushijushpa causachunmi villajuni.

Canguna, Ñuca mandashca shimicunata pactachijpimi, Ñucapash cangunataca ninanda juyashpa charisha. Ñuca Taitapash, Pai mandashcacunata Ñuca pactachijpimi, Ñucataca ninanda juyahuan.

Cangunataca, caishujhuan chaishujhuan juyarishpa causanguichi nishpami mandani.

Cangunapash, cai pachapi causajcunashna causajpica, cangunataca ninandami juyanman. Ashtahuangarin, na cai pachamanda cajpimi cangunataca agllarcani. Chaimandami cangunataca ninanda millanayachin.