Versets bíblics populars de JUAN 17

Comparteix

Cambaj na llullaj Shimita cazushpa, Cambajlla causanata yachachipailla. Cambaj Shimica napacha llullachu.

Causaita causanaca: Can shujlla Taita Diosta rijsina, shinallata, Can cachamushca Jesucristotapash crinami.

Na paicunamandalla mañajunichu, ashtahuangarin, paicuna villajpi, Ñucata crishpa catina gentecunamandapash mañajunimi. Ñuca Taitalla, Canhuan Ñucahuan imashnami shujlla canchi, shinallata paicunapash tucuicuna shujlla cachunmi mañajuni. Paicunapash Ñucanchihuan shujlla cachunmi mañajuni. Shina cajpimi, cai pachapi causajcunaca Can Ñucata cachamushcata crinajunga.

Paicunataca, cai pachamanda anchuchipai nishpaca na mañajunichu. Ashtahuangarin, na alita rurachijmanda jarcapai nishpami mañajupani.

Jatunyachi tucunata Ñucaman cushcatami paicunaman curcani. Imashnami Ñucanchipash shujlla canchi, chashnallata paicunapash shujlla cachunmi shina curcani. Cambash Ñucahuanmi causajungui, Ñucapash paicunahuanmi causajuni. Shina cajpimi, paicunapurapash shujlla tucushpa, ima pandatapash na rurashpa causanajunga. Can, Ñucata cachamushcata, Ñucata juyajujta, paicunata juyajujtapash, cai pachapajtalla rurashpa causajcuna yachachunmi chashna cachamuhuashcangui.