Versets bíblics populars de Zone 14

Comparteix

“Ara a nakai vanamu ia bule, ia nogu bule taghogughi ta vanamuna ara. Bule ta vanamu iahi ara mu eka ghua ghu ia kokolona bule ta meha ka malau iahi peka. Oka anga ghemu, ba maughemu la ghu.

Va kahe ghini tuna neke ghua Zisas, “Ara mu ia hangana, ia hohoghona nia ia doli. E deo keha hanganarani mala laona ka ghau ka ia Mama, nga ka ara lama.

Ianimu tuna ghe, neke kahe ghua nga iahi Zisas ka ira nona mane ta nonofoi, “Oka anga ghemu ghu. O rangerange ka God nia o rangerange haro molamo ka ara e ghua.

Ghe ia ta Vari Tokai, ia Tarunga Ta Maduana, ia ta la tuhu mehai ghatu ia Mama ka babaologu ini ara, ta age va kakahe ghini ghauna vahina leghutau nga, va ngana ghini ghau leghuna ira vahina leghutau nga nato ke va kahe vanamuro ara.

Heiri ira ta hiori nogu ungene va gigima idi ta leghuri ghu mu, ta namaha ghinagura ara. Nogu Mama e age namaha ghidi ira ta namaha ghinagu ara, nia ara haro age namaha ghidi maneri, a va podoloau ghu taghogu ka maneri.”

Ara a fangai ghatu ia Mama, e age vanamu ghu Ia Keha Mala Vari Tokai ia ta age au tamu toghunai ghatu. Manei lamu ghu mu ia Tarunga Ta Maduana ia ta va podoli ia hohoghona ghinina God. Ira noni ka malau iahi peka, e deo gedi boka hioi ghu manei, vununa maneri e deo gedi finini ghu, ba avohi ghu manei. Nga ghau mu no avohi mo manei, vununa manei ne au taremehamu ghau, nia e age au ghatu ka giliomu nira ghau, e ghua.

Heve tei ta fangaina ghu ghau ka ia Mama mu, ara a age riva vanamu ghatu, vununa ghau mu nogu noni ta nonofoau ara, mala ia varanga ka ia Mama e age podolo ghu ka ia Tuuna. !Uve, fangari vahina kokolodi leghutau nga ka babaologu ini ara, a riva ghidi ghu ara ghatu!

“Noto namaha ghinagu la ara, ghau o age leghuri ghatu nogu ungene va gigima idi.

Ka ia sugana nogu Mama, tehi ringifotani ta aura. Ara a lao, a la va tanai ghu kaike malau malamu ghau. Geke deo la ge hohoghona ghu iahi, geala ara deo gato ke va kahe ghini ghau ghu.

Ka leghuna lao ara ta la va tanai ghu kaike malau ka ghau, ara a ke la leghu meha mala hio ghauna, o mala age au haro ghu molamo ghau hae ta auna ara.

“?Lod, ghai deo ga avohi ghu hae mo ta laona agho,” ne ghua Tomasi, “heve e ghua ghe, ga boka avohi nga ghu ghai mu hangana mala laona?”