Versets bíblics populars de Zone 6

Comparteix

“Ara lamu beretina dolina,” ne ghua ghidi Zisas. “Heiri ira ta meha ka ara, e toraina deo gedi age nodi liha ghu, nia heiri ira ta va hohoghona ka ara, ge toraina deo ghu age parangosodira, e ghua.

Ia Tarunga lamu ta vanadana ia doli soduai. Nga ia voriti ka ia noni mu e deo heve ta boka va ghorevuraina. Ira toraina ngengene nato ke kaheriro ara ka ghau mu sipadi ka ia Tarunga ta va meha doli.

Nga ghau geala oka ngana tahuri ghu ira leghutau ta age nogha taghe ia ghano. Nga o voriti ghini haduina ia doli soduai ta boka vanamu ara, ia Tuuna Noni. Vununa God ia Mama ne vanagu mana ara mala riva ghinina ianimu.”

Vununa lao nanafana ka nogu Mama mu, heiri haro ta finini ia Tuuna ta va hohoghona ghu ka manei mu, edi toraina age hioi ia doli soduai. Ianimu ghu mu, ka ia va nonoghana ravata ta age va tetu leghurira ara maneri ka ia leme.”

Va kahe ghidi tuna neke ghua Zisas, “Riva ne kabai ghini ghauna God ta mala riva ghinina mu ia ta va hohoghona ka ara, ia neke tuhu mehauo taghonai,” neke ghua ghidi.

Heiri haroharo neto ke vanaguo ia Mama mu, edi meha mo ka ara ghatu, toraina deona ga age sokeri ghu ara.

Pita neke ungene tughui, “?Lod, ka hei mo ta boka laona ghai? Agho lama ta auighona ira ngengene ta vanamai ia doli soduai,” neke ghua Saemoni Pita.

Ara mu ia bereti ta vanamu doli neke hinae mehao ka malauo God fate. Hei ia ta mahaini bereti iahi mu, e age doli toghunai. Ia bereti ta age vanamu ara malanana ia dolina malau iahi peka mu, ia vilahigu.”

Ira noni e deo boka mehadira ka ara, neto deo la ia Mama neke tuhu mehauo ge batu ghidi meha ghu ka ara. Heiri ira ta meha ghu ka ara mu, ake age va tetu leghuri ara ka ia leme ka ia va nonoghana ravata.

“Vununa bereti ta va mehaina God mu manei ia ta hinae meha ka malauo God fate ta vanani doli ghu malau iahi peka,” ne ghua ghidi.

!Ara lamu ia beretina doli!

Ianimu tuna ghe neke hiori nga Zisas ira bereti, neke kudo vehai ghu God, ghe neke vanadi lao nga ira noni. Taghe iala neke ghua ghidi molamo ira namari. Maneri haroharo dike mahairi taghe niha ghu dike kabai ghinina. Ka ia tato age hoviri haroharo maneri, Zisas neke kahe ghua iahi ka ira nona mane ta nonofoi, “Varighara ghidi ghano kunudi nira, e deo ghu heve ta pepesanana” neke ghua ghidi.

Neke to age nona au ka gaha, ba onomo kilomita hauaidira dike fini laoi ghu maneri Zisas aianimu ghaghahe vai laona ka koaka ani ka ia fatena kolo. Maneri dike age puina maughedi fuludu, ghe manei neke kudo ghua lao iahi, “!Ara lama ngama ini! Oka maughemu ghu,” neke ghua ghidi.