Versets bíblics populars de San Juan 12

Comparteix

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

Ja' te mach'a ya xc'uxtay sbae, ya me xch'ay soc xcuxlejal. Yan te mach'a ma xc'uxtay sba te bit'il cuxul ta balumilale, sbajt'el q'uinal ya xcuxin stuquel.

Jamal ya calbeyex, jich te bit'il jp'ij sit trigo, teme ma xlaj tey a ta bay la yich' wajel jilel ta slumile, stuquel nax ay ta q'uinal te jichuque. Yan teme ya xlaje, bayal ya yac' sit yu'un.

Jo'on te sacuben q'uinal cu'un, talemon ta balumilal swenta yu'un spisil te mach'a ya xch'uunone ma x'ain ta ijc' q'uinal.

Te mach'a ya yaiybon stojol te jc'ope, teme ma xyich' ta muq'ue, ma jo'ocon ya cal te bila castigo ya yich' yu'une. Melel ma ja'uc talemon yu'un ta yac'beyel castigo te mach'atic ayic ta balumilale, ja' talemon yu'un te ya jcoltaye.

Te María la yich' tel jteb ma oliluc litro perfume te nardo sbiil te toyem stojole. Tal smalbey ta yacan te Jesuse soc la staquintesbey ta stsotsil sjol. Been yic' ta swolol na te perfume.

Jich yu'un la sbojtilayic tel yabenal palmera. Jich loc' staic ta be te Jesuse. Jich la yalic ta aw: —¡Jelawen yutsil! ¡Bin nax yutsil te mach'a talem ta swenta te Cajwaltique! ¡Bin nax yutsil te Muc' Ajwalil yu'un te Israele! —xiic ta aw.

Te Jesús la yalbey yaiyic: —C'otix yorail te ya x'ac'ot ta ilel yutsilal te Nich'anile.