Versets bíblics populars de San Juan 2

Comparteix

Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

La yal te Jesuse: —Me'tic, ¿bistuc ya awalbon jich? Melel ma to sta yorail cu'un —la yut.

Te Jesús la yalbey te abatetique: —Nojesaic ta ja' in tinajaetic to —xi'. Jich la snojesic moel c'alal ta sti'il. La yal ts'iin te Jesuse: —Lupaic, loq'uesaic jtebuc. Baan, ac'beyaic te jwolwanej yu'un te q'uine —la yut. Jich la yich'beyic bael, la yac'beyic.

La yal te Jesuse: —Jinaic in templo to. Ta oxeb nax c'aal ya jcha'pas xan ta yach'il —xi'.

Te Jesús la spas ta chicote te ch'ajane. La sten loq'uel ta templo spisil te chijetique soc te wacaxetique, soc la sbusq'uinbey staq'uinic te jel-taq'uinetique, soc la scotp'inbey bael te smesaique. La yalbey te jchon-palomaetique: —Loq'uesaic bael spisil in to. Ma me xac'atp'unic ta ch'iwich te sna te Jtate —xi'.