Versets bíblics populars de เพรโด่แนพู๊ เต๊เห่ 1

Comparteix

หม่าแน๊เรอ เบ๊อะแหย่โยบูโพ๊แบ่เจ่ ตากาแลโอ่เฮ๊อ เด๊อ ซีกู ปา เบ๊อะเนอ, ซี เก่ เล๊อบา เร๊อ เตฉว่าเตชอ ปา เร๊อ ซี เก่ ทวาแถ่ เป่แว เพรข่าเฮ๊โล เต๊เห่ เด๊อ วีเยรูซาเล็ม อากู, เร๊อ ยูดาห์เต๊เก๋ เล, เร๊อ สะมาเรียเก่, โท๊โต่ อา เก่ โต่ เจ๊อเด๊อ เห่ขุต๊าบ่า ลอ เจ๊อ ปา,” อา เฮ๊ฮู๊เนอ.

เร๊อ เหย่ซู่ เฮ๊ฉื่อ เหย่ซี เน๊อ, “เบ๊อะม๊อเนอม๊อเซ เต๊เห่ เนอหม่า อา ทวาแถ่ดื่อ เร๊อ เพ อาเตอเรอฉว่าชอ แพ๊. อา เก่ ทวาแถ่ เบ๊อะเกเต ปา เนอหม่า, ซี โหล่ ซิเง หม่าโต่.

โตโพ๊เค เบ๊อะอา เอ่โอ เต่อเกอ เร๊อ อา โคเจ่ เออเต๊เห่ เบ๊อะเนอ, อา เฮ๊แก เหย่ซี เน๊อ, “เถ่จว๊าแก แต่ แลแค เด๊อ เยรูซาเล็ม วีเออ อากูเนอ แต่ แลเหม่. โอ่ป่อตื๊อดื่อ แลแค เบ๊อะเนอ โต่เด๊อ ซี พย๊าหนิ เชหยู่ เด๊อ แว แด๊โฉ่หนื่ออื่อ โทเฮ๊อ ซี เร๊อ แวเพ อ๊อแล เด๊อ อา เก่ เด๊อะ ซี ปาเนอ นี๋.” โท๊โต่ อา เฮ๊โป่ เหย่ซี เน๊อ, “คูยอห์น เจ เป่ อู เร๊อ เทอ, หม่าแน๊ เรอ งยาแต่โต่ ปาเนอ อู เก่ ปลวา เป่ ซี เร๊อ แหย่โยบูโพ๊แบ่เจ่ ปา.”

อา ข่าเซอโทเฮ๊อ อาเหน่ เร๊อ อา ก๊อถ่อเซอเพร กาคยา เด๊อ เตเซอ โทเร๊อ เด๊อคยา อาเนอ ลุยเชอ อากูเนอ, อา เด๊อะโล เอ๊เป่ลา อาเหน่ เร๊อ อา โคเจ่ เต๊เห่. โทเร๊อ อา แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก. อา โคเจ่ เต๊เห่ แม๊เถอะ อา เร๊อ อาซิปล่อ หร่าเหร่ ปา แลแค โต่. เหย่ซี หยื่อเอ่ แหน่แหน่ เจ๊อ เน๊อ อา เซอเพร หม่าแหน่ เจ๊อ.

เหย่ซู่ เฮ๊เบ่ โทเร๊อ เบ๊อะอา โคเจ่ เต๊เห่ แม๊ตู่แถ่ อา เบ๊อะเนอ, จอแปแหร่ เอ๊กา กาแถ่แก ลู เด๊อ ม๊อขุ. อ๊อโหล่ ต๊าบ่า โกบี๊แก ลู เร๊อ เหย่ซี แม๊เถอะ ปา ลู โต่.

เบ๊อะเหย่ซี แม๊แถ่ โอ่แต่ปา ปา เด๊อ ม๊อเล เบ๊อะเนอ, แกแยซิเนอ กือแซ๊หนิ เห่อจาบู เร๊อ แฮโอ่ก๊อแถ่ โอ่โลคย๊า เป่ เด๊อ เหย่ซี อาช๊า. เร๊อ อา เฮ๊ เหย่ซี เน๊อ, “แกแยกาลิลีพู๊ ซี๋ ซี จว๊า ก๊อถ่อโอ่ แม๊แถ่ แลแค เด๊อ ม๊อเล เบ๊อะเออ เมเต? เหย่ซู่ เด๊อ ซี แม๊เถอะ อู เอ๊กา กาแถ่แก อา เด๊อ ม๊อขุ เออเตเพรเนอ, อา เก่ ตากาแล แซ่ คยาแซ๊ ฮู๊ ซี แม๊เถอะ อา กากี๊แถ่ กู๊แหน่เออเนอ ปา.”