Versets bíblics populars de ลูกา 8

Comparteix

เตกลุย ลูตาโต เด๊อ เห่หย่ารีหย่าแร๊ อาโหง่แลช๊า หม่า หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เร๊อ อา หยื่อเอ่ จ๊อจื้อ เร๊อ อา โตเร๊อ พย๊าหม่า เด๊อ อา ซิปล่อกู, โท๊โต่ อา หนิดา แร๊ จอแปแหร่ โหง่ เร๊อ อา ข่าแด่ทูซิปล่อ โต่ เจ๊อ เด๊อ อาเส่เถ่โพเถ่เจ๊อ.

เตกลุย ลูตาโต เด๊อ ส่อแช๊ส่อกิเกล อาโหง่แลช๊า เออเนอหมา หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เออเต๊เห่เนอ เฮ๊อ. หม่าแน๊เรอ, เบ๊อะอา โอ่เซอเพร แฮเง เบ๊อะเนอ, เตเนกู่เตเนแก, เตดุแหย่แถ่เซ เต๊เห่ เร๊อ อา โมแหน่เร๊อ เออเตอทือ อา เตซิหยื่อซิลอ เต๊เห่ แค๊บี๊ปุยบี๊ ลอ เหย่ซี ฮู๊ ส่อแช๊ส่อกิ แค๊ปุยบี๊ เนอ อาขว่าอาคยา, อาเส่อาโพ เบ๊เกอ ปา อู โตโพ๋ โต่ เฮ๊อ.

เตกลุย ตา เด๊อ หล่อเกล อาโหง่แลช๊า เนอหม่า หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เต๊เห่ เร๊อ อา ซิครือซิลอ พย๊าฉื่อ แลแค ตื๊อดื่อเรอ อาแซ่เน๊อ เตกลุย เด๊อ อาหรุ่ย ช๊าตาแยโต่. เร๊อ เหย่ซี หยื่อเอ่ แลแค แพ๊ แตแปล๊เตอเปลอ แพ๊ เร๊อ เบ๊อะเหล่จา ป่อชิเต่อ เหย่ซี เบ๊อะเนอ, อา เตหยื่อเตแหน่ โอ่เหม่แก แพ๊.

เร๊อ อา เฮ๊ อา โคเจ่ เต๊เห่ เน๊อ, “ซี เตหยื่อเตแหน่ โอ่โต ลอแคร๊ เบ๊อะเต?” เหย่ซี คย๊าอายื๊อ ลอปลี เจ๊อ, โท๊โต่ เหย่ซี ซิอิเช แลแค เร๊อ อา เฮ๊ เกอเร๊อลู เน๊อ, “อา หม่า แกแย ฮู๊เต เต๊อเจ่อเต? อา ซิพรวาแพ๊ เก่แลเซ๊ เร๊อ เทอฮ๊าโฮ๊ แพ๊ เร๊อ อา หนิดา เจ๊อ ลู โหง่ โง๋.”

เตกลุย เด๊อ อา เว๊อตาแก จว๊ารว๊า แกล๊ลู อาโหง่แลช๊า หม่า หม่าเฮ๊อ แกแย เด๊อ อา หนิโฮ แลแค จอแปแหร่ อาลาอาโหง่ ตื๊อดื่อเรอ โลเน๊ กู่กล๊อ แฮพย๊า ตาพาเผ่แก จอแปแหร่ อาลาอาโหง่ เด๊อ เหย่ซี ซิปล่อกู. โท๊โต่ แซ่ฮู๊ เหย่ซี ซิปล่อ อา ดี๊ดู๊ดี๊แด เด๊อ เตหยื่อเตแหน่ อากู เร๊อ อา พย๊าหนิ ดื่อ เตเมแลเปล๊กา แต่เหม่เนอ เร๊อ โลเน๊ กู่กล๊อ แฮเม ฮู๊เนอ แพ๊.

เตปว๋า เต๊อเจ่อ เด๊อ อู แด่โอ๊ อา เต๊เห่เนอ, จอแปแหร่ อา เด๊อะโอ่โลเถ่ อา ปา. เร๊อ เตปว๋า เต๊อเจ่อ เด๊อ อู เมบี๊ อาเนอ, จอแปแหร่ อา เด๊อซิเง เถ่โล อา ปา.

เออโตโพ๊เรอ เพรเหมาะ เออเตเพร ซิเงเฮ๊อ เน๊อ อา โอ่ ตาดวาโอบี๊ แจ่ ปา โต่ เบ๊อะเนอ, อา แฮแด๊งือแล แตแนตากยา เด๊อ เหย่ซู่ อาเป๊เส่เง. อา จว๊าแฮโต่เบ่ โต่ เหย่ซู่ เมเตเนอ, อา แด๊โฉ่โล ลอ อู เด๊อ แกแย ปว๋า เตเพร อา เป๊เส่เง, โท๊โต่ อา เฮ๊โฉ่โลหนิ เป่ โป่ อู เร๊อ อา โต่เบ่โท ลู เร๊อ อาเตเช โอ่เหม่ โตโพ๊ โอ่เหม่ เจ๊อ. เร๊อ เหย่ซู่ เฮ๊ ลู เน๊อ, “พู๊หม๋อ, เน เตหยื่อ เออเนอ, อา แหย่โอ่เหม่ แกเฮ๊อ เน เตเชเฮ๊อ, กาโมโม กาแร๊แร๊ ดื่อนี๋.”

อา โคเจ่ เต๊เห่ จว๊า ถู่แรก๊อถ่อ ลู เร๊อ อา เฮ๊ ลู เน๊อ, “เก๋อ ซ๊าร๊า, เก๋อ ซ๊าร๊า! เป เตเร แลจื๊อเซอ ลอเฮ๊อ!” เหย่ซู่ ป่าก๊อถ่อ เร๊อ อา ซิพรวาแว เก่แลเซ๊ เร๊อ เทอฮ๊าโฮ๊ เร๊อ เก่แลเซ๊ โอ่โก๊โอ่โส่แก เร๊อ เทอโตโจโจ๊โอ่เจ๊อ.