Versets bíblics populars de यूहन्ना 14

Comparteix

मोंय तोहरेमन के शांति देई के जाथों, अपन शांति तोहरे के देवाथों, इ उ शांति ना लगे जेके दुनिया देवेला, तोहर जीउ ना घबराओक आउर ना डराओक।

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यीशु आगे कहलक, “तोहरेमन ना अकबकाबा, परमेश्‍वर केर उपरे बिसवास करा आउर मोर उपरे हों बिसवास करा।

मगर मदइत करेक वाला मतलब पवितर आत्मा, जेके आबा परमेश्‍वर मोर अधिकार के देई के भेजी, उ तोहरेमन के सोउब गोइठमन के सिखाई, आउर जे कुछ मोंय तोहरेमन से कइह हों, उ सोउब के तोहरेमन के याइद करवाई।

जेमन मोर आगया के जानैना आउर उके मानैना, ओहेमन मोर से प्रेम करैना, आउर जेमन मोर से प्रेम करैना, उमन से मोर आबा परमेश्‍वर प्रेम करी, आउर मोंय हों उमन से प्रेम करमूँ, आउर उ मनक उपरे खुद के दिस्तार करमूँ।”

मोंय आबा परमेश्‍वर से प्रार्थना करमूँ कि उ तोहर मदइत करेक लगिन एगो दूसरा मदइत करेक वाला के भेजोक, जे सोउब बेरा तोहर संगे रही। उ पवितर आत्मा हेके, जे परमेश्‍वर केर बारे में सच्चाई के देखायला, जेके दुनिया केर आदमीमन मानेक नी पारैना, काले कि उमन उके ना तो देखैना आउर ना जानैना। तोहरेमन उके जानाला, काले कि उ तोहर संगे रहेला, आउर उ तोहर में रही।

आउर जे कोनों तोहरेमन मोर नाँव से माँगबा, उके मोंय पूरा करमूँ, जेकर से बेटा बटले आबा परमेश्‍वर केर महिमा होवोक। अगर तोहरेमन मोर नाँव लेई के मोर से कोनों माँगबा, तो मोंय उके पूरा करमूँ।

अगर तोहरेमन मोर से प्रेम कराला तो मोर आगयामन के मानबा।

मोर आबा परमेश्‍वर केर घर में रहेक लगिन ढेइर ठाँव अहे, अगर एइसन नी होतक तो मोंय तोहरेमन के बताय देतो, काले कि मोंय तोहर लगिन ठाँव तेयार करेक जाथों।

आउर ठाँव तेयार करेक केर पाछे मोंय फिन आमूँ आउर तोहरेमन के अपन संगे रहेक लगिन लेई जामूँ, ताकि जहाँ मोंय रहमूँ हूवाँ तोहरेमन हों रहबा।

थोमा उकर से कहलक, “हे प्रभु, हमरे नी जानिला कि तोंय कहाँ जाथिस, तो हूवाँ केर डहर के कइसन जानब?”