Versets bíblics populars de TĨĨGI WERE 17

Comparteix

De maga kiŋgi Abram joŋ doo kaawaʼ ti kaawaʼ mono, Manwur wiin ga : Ndi diŋ Baa ma de Egre-Ɓuy no. See pel ɓi keɗede.

Á ɗe ge ndo ga Abram gà so, ama ɗúu ɓo joŋ ge ga Abraham, werga ndi kol ndo yaŋ diŋ pan wer sir wo ngaɓa dusglugi.

Ndi joŋ ge tayge jag yaŋ de ɓo, de wer mani ɓon wo blam ɓo, ti wer ɓaara maga ndar ge wo wo mo ɓuy no. Á joŋ ge diŋ tayge jag ma tum, day diŋ wer tayge jag sen ga ndi joŋ ge diŋ Baa ɓo, de wer mani ɓon wo blam ɓo.

Ga ma ɓin mokay diŋ tayge jag ɓi de ɓo no. Ndo kol ge yaŋ diŋ pan wer sir wo ngaɓa dusglugi.

Ama Baa day ga : Hay de koge ga wãy ɓo Sara biŋ gi mbarga yaŋ mbe mo, ni ndo kaŋ ge ɗúu ne hẽn ga Isage. Ndi joŋ ge tayge jag maga diŋ tayge jag ma tum yaŋ de ɓe, de wer mani ɓen blam ɓe.

Sir maga ndo le de urgi wara la ni mono, ndi hãn ge ne ndo de wer mani ɓon wo blam ɓo, sir Kanaan ɓuy joŋ ge diŋ ɓaara ma tum, day ndi joŋ ge diŋ Baa ɓaara.

Abraham kal leʼge gesiŋ jel nen ɓe gesiŋ, kal leʼ fege, wãã de ɓil ɓe ga : Jobo kiŋgi kis biŋ mbarga? Day Sara patala de kiŋgi doo kaawaʼ biŋ gi mbarga?

Baa kal wii Abraham pa ga : Ma wãy ɓo Saray mono, ndo ɗen ge ga Saray gà so, ama ɗúu ɓe joŋ ge ga Sara.

Nday car ge ɓĩĩni, sen diŋ fen ma kaŋ nen ti tayge jag ma ti holaŋ ɓin de ɓay mono.

Ama ti ɓaŋ wããre tayge jag ɓin mo lay no, ndi joŋn ge diŋ de Isag maga Sara biŋn gi ne ndo deebo doo sen la no mono.

Naw nenmaʼ blam biŋgi mbarga ma twar mono, à joŋ ge nen caa ɓĩĩni mbarga ma twar ma yoo ɓayn go ɓuy. Sen diŋ ti wer mani ɓay maga ndar ge wo wo mo ɓuy, maga biŋ yoo ɓay ni, noga maga à yeen le yoo ɓay waare ni yeege ga bay ti wer mani ɓayn ni wa mono. Ndo joŋ ge nen caa ɓĩĩni je maga biŋ liŋ ni ɓo ni go, de je maga ndo yeen le yeege de solay ɓo mono. Sen joŋ ge diŋ mo ma de kaŋge go mo ti hããgsee ti tayge jag naa ma tum no.