Versets bíblics populars de LUG 13

Comparteix

Ɓred we ma laa ge jagjiŋ ma kwereŋ no, ndi de riŋ we ge ga jar debaŋ liw gi wo laa ge yaŋ ni, day kãã ge wo gà.

Paga wãy po yaŋ ni de cege kiŋgi hwal ti nenmaʼa, wãy sen de sõõ ti, sõõ baa groro wãyn go, wãyn bay kãã ge ma naa ti go ciŋ draʼ wa. Yeso wo ko ge ɓe mokay, á raw ɗe ge ɓe le ga : Wãy, ndo pog we go jag cege ɓo no.

Á raw kaŋ doo ne wãyn ti, wãyn raw ɗob ge go ni tuuseŋ, á raw tĩĩ wer togoɗ Baa.

Wersen jar po wo patala diŋ jar ma blam taw wo, kol ge wo diŋ jar ma pel taw wo no, day jar maga wo patala diŋ jar ma pel taw wo mo lay no, kol ge wo diŋ jar ma blam tawn lay.

Taw maga pan tiŋ wo ur gi ciŋ, tẽg jag tiŋ go de lakel mokay, wo daʼ we go de caa nen nen faale, blam sen nday raw tĩĩ wer mbar jagjiŋ ɗe ɗúu ga : Waŋ, Waŋ, bul jagjiŋ go ne wùr, bul jagjiŋ go ne wùr, á raw riŋ we le ga : Ndi bay de ko ngel maga nday a le ni mo wa.

Ndi de riŋ nday ga : bay wa hase. Hayga nday de see ɓay nday coo ɗiggi ɓay ma de ɓlaggen we de deele tigriŋ ga no, nday huɗ gi go ɓuy doo saara no lay.

Á raw ferge we pa ga : Ndi ko ngel maga nday a le ni mo gà. Yaʼ we wo go see ɓi hãã nday jar joŋ ɓlaggen wo mo ɓuy no.

Yeso raw wãã ge ga : twaywaŋ mani Baan de maŋ may ɓa? Ndi mo ngaɓn de may se la? Á de maŋ mbèere mandufi, á go meʼ has debaŋ, jobo mbug ne ɓi pay, á raw tĩĩ gi le go, raw kol ge go diŋ koo maga dweere á wo kaŋ tiŋ ti doo ɓe wo.