Versets bíblics populars de LUG 17

Comparteix

Blam sen Yeso raw riŋgi ɓe ga : Ur go ciŋ, see, hãge ɓil ɓo ne Baa pẽẽ mo we go.

Hayga hẽn ɓo joŋ mo we de ɓlagge ɓaale renam wurpo boŋ, day se yaŋ le ferge le ceɓ riŋ mo ge ga : Re sen cee se we, re sen cee se we no, ni ndo men ɗig re ɓlagge ɓen go ne hẽn ti.

Jobo boŋ yoo ɓaara wo ko ge ga se fãã we go mokay, á raw ferge le blam ɓe togoɗ Baa de gẽẽge ɓe ciŋ kloŋ, raw leʼ monɗra maʼ pel ɓe gesiŋ pel Yeso, raw joŋ suseʼ ne hẽne. Bloo sen diŋ je Samari lay.

Koɗ we see ɓay de ele. Hayga hẽn ɓo joŋ mo we de ɓlagge no, ni ndo ruu ne ti ɓe desãy, day hayga á coo ɗiggi ɓe ma de ɓlaggen we de deele tigriŋ no, ni ndo men ɗig re ɓlagge ɓen go ne hẽn ti.

Yeso raw riŋgi ɓe ga : Nday bay go de fãã ge hwal ɓuy wa. Day jar ma kaawaʼn wo gen ne?

Yeso raw riŋ rage ga : Hayga hãge see ɓay go ne Baa yaŋ de day ge doo mbèere yeg no maʼ no, nday mo riŋ bà koo gwarga ma kaʼ ga á mo naa see ɓe le go mo wo go coʼ ge nen maarog layblaʼ, á yãã jag ɓay.

Je maga kiɗ we ga se mo bas go wa mono, bas ge go so yaw, day je maga men see ɓe we go bas ge ti re ɓi mono, ni je sen joŋ ge tenen caw so yaw.

Yeso raw riŋ jar ma wer ɓen wo ga : Re ma srog jar joŋ ɓlagge joŋ yaŋ mbe wo ti nawn wo hãã tum, ama re yaŋ ti je maga srog wer jar joŋ ɓlagge sen wo mono. Ɗawa ɓen á mo saʼ man niini ne hẽn soole, á mo ɓoʼn go nen maaroge nen maga á mo kaŋ wer weere wo go joŋ ɓlagge wa.

Re maga hay joŋ le nen Nowe, joŋ ge wur a ge wel je táabayn le doo sen no degaʼ lay. Jar hay wo rege, jo ge, da wo naare, noga hã wo mayre ɓaara go ne werpiiri, hãã wo day ge ti wur maga Nowe wo kal ge ɓi daagen mokay, bii maŋ ge ma kluu raw age, raw bas jar sen wo go ɓuy.