Versets bíblics populars de Luka 18

Comparteix

Yesu a ɗa lagbe dan a byelə səɗə gəkɨlə təna leyə atɨ ɓə kana tən tawa ɗa hiwtə anəsə, taa piyatidə ɓe tənaa ɓwa.

Ɓə Həmɨnpwa mgban, ndaa dɨ gwadə myee dan 'ye nda taɗa, a 'ye dɨ ɗan hiwtə dɨ tuwon mba-dɨ-mba tukotə ka fəre? Ndi ɓa nza a ɗakarən ɗəng a ɓongə ndaa dɨ gwadərən? Na dɨ səwnə ndi ɓa maɗə tan-tan a vərən sa kat təna dɨ mwo hakan. Kat ka angɨn a fəra hɨn Nze da Ɓwaara ɓa mɨna a vɨratə kan, hɨn ɓa sɨ ɗɨm myee ka mwadiyale a hubosərən?”

Yesu a sarən, “Sa ɓwaare aa mban a ɗa, a haka Həmɨnpwa sɨne pupuluk.”

“Ɓə ɓongə kote shi haka nzə-ɓashitɨngɨn, a kwamətə nda kwo gwate ɓa gwadə. Ndi ɓe səɗə ka yedingɨn, a kpawtə nda sa, ‘Nagi taawa ndukodə Həmɨnpwa, taawa salə ama mgban, kat ka angɨn gəkɨlə kpasanə metɨnə a dɨ kpashi mba-dɨ-mba, na ɓashiyərə ka diyale gəkɨlə na piyagərə.’ ”

Diyalə na dɨ boyownə, ma kat aa luu həmne da Həmɨnpwa ɓətɨ nzə-ɓyeləngə, ndaa dɨ ga pɨrə vor həmnəngɨn.”

Yesu a sa, atɨ a mya shi ka jingɨn a hakan. Nda sa lagbe dan atɨ, “Ɗakamə ji-kurkurye a təna shi hake, ɓe hwunaa omtɨrən, gəkɨlə həmne da Həmɨnpwa hɨnggə myee ɓətɨ jinə nə.

Yesu a san, “Wana diinga hye ɗɨm naa haa. Weltə mbə gu, mwadiyale dəw mbəda.”

Yesu a san, “Mɨnə ɗa hye ɓə wari atɨ hɨn ma fema? Taa ama femə də, pɨrgə Həmɨnpwa hiɗə kal-kal.