Versets bíblics populars de युहन्‍ना 6

Comparteix

येसुजि हुनुकाके कहलसि, “जिवनक रोटि मोहिँ हखहि। जुने मोर लघिना यबिय उअ कबहुँ नाहिँ भुखेबिय हसे मोरमा विस्‍वास करलहराक कबहुँ नाहिँ पियास लगतइ।

जिवन देलाहर त परमेस्‍वरक आत्‍मा हखसि। मन्‍सावानिक सक्‍तिसे इअ काम हखे नाहिँ सकतइ। जथि बात मुइ तोहराके कहले बडहिँ उअ आत्‍मा हसे जिवन हखइ।

नास हखना जेउनाक तहिँया काम झिन करिह, बाकि अनन्‍त जिवनलइ रहना जेउनाक तहिँया काम करिह, जुन मन्‍सेक पुतर तोहराके देबिय। केहकेकि यकरे तहिँया परमेस्‍वर पिता वकरमा यापन छाप लगोले बडसि।”

केहकेकि मोर पिताक इछा इअ हखइ कि, पुतरके हेरलहरा हसे वकरेके विस्‍वास करलहरा जम्‍मे जन अनन्‍त जिवन पउतइ हसे अन्‍तिम दिनवामा मुइ हुनुकाके जियोबहिँ।”

येसुजि हुनुकाके जवाफ देते कहलसि, “परमेस्‍वरक चाहल काम इअ हखइ: हुने जकरेके पठोले बडसि वकरमा विस्‍वास करिह।”

जुन मन्‍सावानिके पिता मोरके देबसि हुनुका मोर लघिना यतइ हसे मोर लघिना यलहरवानिके मुइ कबहुँ नाहिँ फिरोबहिँ।

तब सिमोन पतरुस जवाफ देलिय, “हे प्रभुजि, हमरा काकर लघिना जाउँ? यपनहुँसाङे त अनन्‍त जिवन देना वचन बडइ।

स्‍वरगसे याइल जिउते रोटि मोहिँ हखहि। यगर कुनहुँ इअ रोटिया खेतइ जउँ उअ सबदिन जिउते रहबिय। जुन रोटिया मुइ संसारक मन्‍सावानिक तहिँया देबहिँ, उअ मोर देहि हखइ।”

मोरके पठोलहरा पिता मन्‍सावानिके मोर लघिना यावेके मन नाहिँ देइकलइ, कुनहुँ फेनि मोर लघिना यावे नाहिँ सकतइ हसे अन्‍तिम दिनवामा मोर लघिना यलहरवाके मुइ जियोबहिँ।

केहकेकि परमेस्‍वरक रोटि उहे हखिय, जुने स्‍वरगसे याके संसारक मन्‍सावानिके जिवन देसिय।”

जिवनक रोटि मोहिँ हखहि।

तब येसुजि उअ पाँच गो रोटिया लेके परमेस्‍वरके धन्‍यवाद देलसि हसे बेठलि मन्‍सावानिके खाएके तहिँया चेलवानिके बाटे लगोलसि। हुने मछरिया फेनि वसने करके बाटे लगोलसि। हुनुका जम्‍मे जन यघाइलइ खेलइ। हुनुका यघाइलइ खइलेपर येसुजि यापन चेलवानिके कहलसि, “उबरलि खडवा-खुसरिया बटियोह, ताकि किहो नास झिन हखइ।”

हुनुका डोङवा खियोते-खियोते लगभग पाँच-छउ किलोमिटर तनाउ गेल रहलइ। तखनहिँ हुनुका येसुजिके पनिया वपरा-वपरा बुल्‍ते डोङवावरि यवइकि देखलइ हसे हुनुका खाँ डेरेलइ। बाकि येसुजि हुनुकाके कहलसि, “मुइ हखहि, झिन डेराह।”