Versets bíblics populars de Lukas 9

Comparteix

Pade iulika-Nara humawee tauna to i hee, “Butu tauna to mingki mantuku-'A, hia kana mampehapuka wotona moto, mangkolo kahehaa butu eona pade mantuku Aku.

Apa hema-hema to mampomaihi tuwuna moto, moma mei narata katuwua to moma maria kahuduana. Pade hema-hema to moma mampomaihi tuwuna habana nantuku-'A, hia mei mamparata katuwua to moma maria kahuduana.

Naupawee nehono Yesus, “Moma nabelo tauna mopajeko naupawee meilidipi talikuana. Wee moto mui tauna to mantuku-'A. Ane nalinga moto oa napa to laipalahina, moma'i mahipato mawali todea i rara poparentaa Alatala.”

Moma naria bununa hadua tauna mamparata humawee ihi dunia, ane wule mampakaronto bo mampakahilaka wotona moto.

Hema maea habana Aku bo patudu-Ku, Ana Manuhia mui mei maea mampangaku'i ane marata-'I rara baa baraka-Na pade baa baraka Tuama bo malaeka-malaeka to nagaha.

Yesus nangulika'i, “Nculaku naria wulou po'ohaana, tonci naria dumuna, naupawee Ana Manuhia moma naria podulea woo-Na moturu.”

pade iulika-Nara ana guru-Na, “Hema-hema to mantarima ngana kodi to ewa ei habana tauna ee neparahaya hi Aku, hia mui nantarima-'A, pade hema-hema to mantarima-'A, hia mui nantarima Alatala to nampahuro-'A. Habana, to moma nobunu gaga lako humaweemi, hiami to neliu pobununa.”