Versets bíblics populars de Matius 9

Comparteix

Alaana Yesus nangulika ana-ana guru-Na, “Nadeamo tauna nahadia mantarima Kareba Belo. Hira ee mai nahibali ewa pae to natahami, totonami rasangki. Nadea mpuu pae to rasangki, naupawee to posangki momara nadea. Aji, perapimi hi Alatala Tumpu pae ee bona Natudu to posangki rau mosangki pae-Na.”

Aji, koimo komi pade peguruimi napa patuju lolita Alatala to nanguli iwei, ‘To laipodota-Ku, ahi rara, moma kurban.’ Apa Aku narata i dunia, moma-'A mangkio tauna to nanoro, naupawee narata-'A mangkio tauna to nadoha.”

Pampahilo-Na Yesus todea ee, nehuwu ahi rara-Na hi hira, habana nahehara pade moma naria to nantulungira, nahibali hante bimba to moma naria to poewura.

Laiepe-Na Yesus to laipojaritara pade iuli-Na, “Tauna to naseha moma namparaluu dokutoro. Tauna to nadua aga to namparaluu dokutoro.

Yesus noliliko i humawee ngata bohe bo ngata kodi, nopatudu tauna i hou-hou pepuea, nangkarebai Kareba Belo nangkambelai bewa Alatala noparenta halaku Magau pade nampakauri to nohaki bo to napungku.