Versets bíblics populars de Juan 2

Comparteix

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Nagsabat si Jesus, “Nang, ayaw 't-ang abi pagtud-i kon ano rang obrahon ay owa pa't-a nag-abot ro oras nga tumanon ko ro plano it Dyos.”

Ginsugo ni Jesus ratong mga sueuguon, “Pun-a ninyo it tubi ro mga bueutangan ngara.” Ginpuno gid nanda rato it tubi. Pagkatapos, naghambae imaw, “Saeok eon kamo dikaron ag daehon sa nagadumaea ku ponsyon ngara.” Gintuman nanda si Jesus.

Nagsabat si Jesus, “Gub-a ninyo ro Templo ngara ag patindugon ko ra it uman sa sueod it tatlong adlaw.”

Bumuoe si Jesus it pilang utod nga kaeat ag ana rato nga gin-obra nga hanot, ag ginpangsuboe nana sanda tanan ag gintabog man nana paguwa ro andang mga karnero ag mga baka. Ana man nga ginpatumba ro mga lamisa it mga manogbaylo it kwarta ag ginpangwas-ag ro andang kwarta. Ginhambaean man nana ro mga nagabaligya it salampati, “Pangbue-a ra ninyo iya! Ayaw ninyo pag-obraha nga baealigyaan ro baeay ku akon nga Ama!”