Versets bíblics populars de Lucas 11

Comparteix

Kon kamo nga mga maeain hay nagatao ngani it manami sa inyong mga unga, mas kapin pa gid ro Ama sa eangit. Itao nana ro Espirito Santo sa nagapangayo kana.”

“Ngani ginahambae ko kinyo nga magpangayo kamo permi sa Dyos ku inyong kinahangeanon ag itao nana ron kinyo. Usuya ninyo permi kon ano ro inyong kinawaea ag buligan kamo nana nga makita ron. Panuktok kamo permi sa anang pwertahan ag buksan nana ron para kinyo.

Dahil ro tanan nga nagapangayo hay makabaton, ro tanan nga nagausoy hay makakita ag ro tanan nga nagapanagbalay hay pagabuksan.

Naghambae si Jesus kanda, “Kon magpangamuyo kamo hay makara ro inyong ihambae: ‘Ama, balaan ro imong ngaean. Kabay pa nga tahuron ka it mga tawo. Kabay pa nga magpasakop eon ro tanan nga mga tawo sa imong paghari sa andang tagipusuon.

Patawara kami sa among mga saea dahil ginatuman namon ro sugo nga dapat kami magpatawad sa tanan nga nagakasaea kamon. Ayaw kami pagpabay-i nga matentar.’ ”

Taw-i kami adlaw-adlaw it among kinahangean nga pagkaon.

Ro imong mata hay kaparis it lampara nga nagatao it kahayag kimo. Mawron nga kon owa it diperensya ro imong mata, mahayagan gid ro imong bilog nga eawas. Pero kon madueom ro imong panueok, apektado man ro imong bilog nga eawas.

Naghambae pa gid si Jesus, “Owa it nagasindi it lampara ag ana ra dayon nga taguon o takeuban it paniga kundi ana ra nga ginabutang sa tueungtungan agod mahayagan ro nagasueod sa baeay.