Versets bíblics populars de A Cakacaka 1

Comparteix

ia dou na rawata na kaukauwa, ni sa lako mai vei kemudou na Yalo Tabu; dou na qai dautukuni au mai Jerusalemi, kei Jutia taucoko, kei Samaria, ka yacova nai yalayala kei vuravura.

A sa kaya vei iratou ko koya, Sa sega ni nomudou me kila na kena gauna, se na kena yabaki, sa veitalia duaduaga kina ko Tamaqu

Ia, ni sa dausoqoni vata kei iratou, sa vakarota me ratou kakua ni biuti Jerusalemi, me ratou waraka ga na vosa ni yalayala i Tamana, a ya, sa kaya ko koya, dau a rogoca maivei au: e dina ka dauveipapitaiso ko Joni e na wai; ia ni sa sega ni oti e vuqa na bogi, dou na papitaisotaki e na Yalo Tabu.

o iratou sa vakatakilai koya talega kina ko koya, ni sa bula, e nai vakatakilakila e vuqa, ni sa oti na nona mate, a sa daurairai vei iratou ka bogi vasagavulu, a sa vosataka na veika ni matanitu ni Kalou.

Ia ni sa tukuna oti ko koya na veika o qo, sa qai kau cake, ni ratou sa vakaraica tu; a sa dua na o sa kauti koya tani e matadratou.

Ia ni ratou sa rai matua ki lomalagi, ni sa lako yani ko koya, raica, e rua na tamata sa tu voleka vei iratou erau vakaisulu vulavula, a rau sai kaya, Oi kemudou na kai Kalili, dou sa tu ka rai matua ki lomalagi e na vuku ni cava? o Jisu o qo o koya sa kau tani cake vei kemudou ki lomalagi, ena lako mai vakakina me vaka dou sa raici koya ni sa lako ki lomalagi.