Versets bíblics populars de မဿဲ 2

Comparteix

သူတို့​သည် အိမ်​ထဲသို့ ဝင်​၍ မယ်တော်​မာရိ​နှင့်အတူ သူငယ်တော်​ကို တွေ့မြင်​သော် ဝပ်တွားခယ​လျက် သူငယ်တော်​ကို ရှိခိုးကြပြီး​လျှင် မိမိတို့​၏ ရတနာ​သေတ္တာများ​ကို ဖွင့်​ကာ ရွှေ၊ လောဗန်​နှင့် မုရန်​ဟူသော လက်ဆောင်များ​ကို ဆက်သကြ၏။

ဟေရုဒ်မင်း​လက်ထက် ယုဒပြည် ဗက်လင်မြို့​တွင် ယေရှု​မွေးဖွားလာတော်မူ၏။ ထို​အချိန်ကာလ​၌ အရှေ့ပြည်​မှ ပညာရှိများ​သည် ဂျေရုဆလင်မြို့​သို့ ရောက်လာ​၍ “ယခု မွေးဖွားလာသော ဂျူး​ရှင်ဘုရင်​သည် အဘယ်မှာ​ရှိသနည်း။ ထို​အရှင်​၏​ကြယ် ထွက်ပေါ်လာသည်​ကို ကျွန်ုပ်တို့​တွေ့မြင်ရ​သောကြောင့် ထို​အရှင်​ကို ဖူးမြော်​ရန် ရောက်လာကြပါသည်” ဟု မေးမြန်း​ပြောဆိုကြ၏။

ပညာရှိများ​သည် ထို​ကြယ်​ကို မြင်​သောအခါ အလွန်​ဝမ်းမြောက်ကြ၏။

ထို့နောက် ဟေရုဒ်မင်း​ထံသို့ လှည့်ပြန်မသွား​ရန် အိပ်မက်​တွင် ဘုရားသခင်​သတိပေးတော်မူ​သဖြင့် သူတို့​သည် အခြား​လမ်း​ဖြင့် မိမိတို့​၏​တိုင်းပြည်​သို့ ပြန်သွားကြ၏။ ပညာရှိများ ထွက်ခွာသွား​ပြီးနောက် ထာဝရဘုရား​၏ ကောင်းကင်တမန်​တစ်ပါး​သည် ယောသပ်​ကို အိပ်မက်​တွင် ကိုယ်ထင်ပြ​၍ “ထလော့။ သူငယ်​နှင့် မယ်တော်​ကို ခေါ်ဆောင်​ကာ အီဂျစ်ပြည်​သို့ ထွက်ပြေးလော့။ ဟေရုဒ်မင်း​သည် သူငယ်တော်​ကို ရှာဖွေ​၍ သတ်​ရန် ကြံစည်ပြီ။ ထို့ကြောင့် ငါ​ပြန်ခေါ်မည့်​အချိန်​ထိတိုင်အောင် ထို​အရပ်​၌ နေကြလော့” ဟု ဆိုလေ၏။