Versets bíblics populars de Yùxanà 15

Comparteix

Mun nì ɛ̀rɛ̀nzhɛ̀nkuà, ye yè bà à sààn neè. Mòò riì to tsùuŋnà mun ɲan, min bà ni à tsìfa ɲan, tɔ nà dzin cɛyn, kàtsu ye na dzia gèsɔn pɛn fa mun shɔ̀ùn waa.

Ye to mun ɲan, mun sa yeè bà ni ye ɲan. Sàan mà bà ni kunaà nà fyeu, à na dzia to e yɛrɛ ma, è dzin wɔ waa. Ye sa raà ni tɔ̀ rii tsuru, ye ma ba ni mun ɲan fyeu, ye na dzia dzin wɔ waa.

Ye ye to tsùù mun ɲan, mun ne gooma reè yè to tsùù ye ɲan, gè o ge ye e dzibe, y'a gaa, tɔ nà fa e re.

E maà à ji e duùn, ci ye rìì mun boo e jaa ra dɛ. À na tɔ̀ tsuru waa, ŋà, mun nì ye boo n jaa ra. Mun tɔ̀ fau nì, sànko, min ye ka bè Ŋaablà re faagoò rà, faagoo nìi nàfa na do jàa waa. Tà tsuru, ye nà gè o ge gaa Fà Ŋaablà re mun tsoo ka, à nà tɔ̀ sìn ye ra.

A xɔɔn sìn a dzunwɛynsi reè kamà, kɛ̀nbààbe pɛn na ni tɔ̀ rii jɔun waa.

Sààn ge o ge ni mun na, è mà bà dzin wɔɔ̀, à twɛy sapɛ kunùn boò. Nìì reè to dzin wɔɔ̀, è twɛy kùùn baran, sànko yè dzin cɛyn.

Mun nà n dzugooma xɔù nìì reè dè ye ra, tɔ̀ rii siin: Mun ye kɛ̀niun nìi tsuru, e sa yeè e si kɛ̀n tɔ̀ tsuru.

Ye ye dzin cɛyn, ye y'à kpàdè tɔ̀ tsuru, ci ye mun ne kàràndzin ì taki, mun Fà Ŋaablà blabee nà kpàdè mòdzian sapɛ jaa ra.

Àyìwà, Yesù yè dzin kɔn ci: «Gɔ̀ɔ nìi kir'là ɛ̀rɛ̀nzhɛ̀nku, mun nì tɔ̀ kuna takia, mun Fà Ŋaablà, tɔ̀ yeè bà à tsìfaà.

Mòò riì ma to tsùù mun ɲan, tɔ nà maa da rɔ̀n, a ci sààn neè. Sààn neè gɔ̀rɔuma shɔ̀ùn mɔn, è tsɛ̀ jia sa rɔ̀n, yè dzu.

Mun tɔ̀ sapɛ deu ye ra, sànko mun ɲan taamadzibeè yè ye sa ɲantsyɛn, tɔ̀ tsuru, ye re taamadzibeè yè bà taamadzibe dziitsyɛunma.

Ye ye mun dzugooma xɔù rèè to e duùn, ye nà to tsùù mun ne kɛ̀nbààbee doùn, a ci mun yè n Fa Ŋaablà dzugooma xɔù rèè tou n duùn nìi tsuru, min bà ni tsuù à re kɛ̀nbààbee doùn.

Tà doùn, mun ci ye yè nìi fa, tɔ̀ rii yɛ, ye e si kɛ̀n.»

Ye yè bà na dziɲan raa, ye goo na nà dzibe dziɲan na, kàtsu ye y'à raa. Ŋà, ye na dziɲan raa nìi fa waa, mun to ye ɲankɛrɛn bou à ɲan n jaa ra, tɔ̀ rii kamà, ye goo yè bà xɔ dziɲan ma.