Versets bíblics populars de Mʉkpanganɨa 15

Comparteix

Kʉɓanɨ, Abalama ɔ꞉mʉɓɨnyɨa MAKWƆƁƗƗ, nɔ ɨyɔ Asɔɓɨɨ, ɔ꞉mʉsɨka ndʉ a mombi ɔ ingono.

Ambise ɔ yaka ngɨyɛnɛnɨ ya꞉ɓio ɓɔ yɔkyananakɨeni, MAKWƆƁƗƗ ɔ꞉yakanaka nɔ Abalama amati ɨkyɛmʉ mɛngana ndʉ lɨwɔtɔ, ga ɨyɔ nayɔ ɓɔ: «Abalama, watɨkumomʉ! Ɨmɨ akɛ, na kɔpɨ ngɨasɔɔ, nɔ, na꞊nenjo apɛpɛ ata mʉja nɔgbɛ.»

Kʉdɔ, ɔ꞉muchwɛiso aɓei, ga ɨyɔ ɓɔ: «Kanga akʉʉ ɔ ɓisi, nɔ, poo ndata, ndʉ waɓio adaa ngɨa waipoo-ɔɔ.» Ga ɨyɔ ɓata kʉ ɓɔ: «Ɓanɔnɔ ɓɔsɔɔ ɓa꞊ɓio ɓaja kʉɓanɨ.»

Kʉdɔ, iso yɔ MAKWƆƁƗƗ ya꞉ɓio nayɔ aka ɓɔ: «Pɔ bele, sɔkɔmʉ ɨyɔ akɛ a꞉dya suo maɓɨɨ ngʉwɔsɔɔ. Yakamɛngana, mombi ngɨa a꞊dya suo maɓɨɨ ngʉwɔsɔɔ, a꞊chwɛa ta aʉsʉkʉa ngʉwɔsɔɔ ɓɔ kpɛ.»

Ga MAKWƆƁƗƗ nɔ Abalama ɓɔ: «Ɨmbɨa iɗo ɓɔ ɓanɔnɔ ɓɔsɔɔ ɓa꞊ɓio sungo ɓɛɛka amati ɔ ɨkʉmbʉ yɔ ɓangɛ. Nɔ ɓa꞊ɓio sungo inani ta ɓabaya, nɔ, ɓa꞊ɓʉkyananaka sina amati ɔ mago lɨmɨa ɓɔgɨna.

Ga Abalama nayɔ ɓɔ: «Asɔɓɨɨ MAKWƆƁƗƗ, ɨkyɛmʉ nga wa꞊nenjo ɨmɨ ya꞊nakɨa dɔ ɨmɨ ɨmanɨ? Dɔ ɨmɨ ɨya, nangɔmʉ-sɨ pɔ nɔ mwana kʉɓanɨ! Ɛɛ, tɨa kʉ mombi ɔ tɛa ngɨasɛmɨ a ino ɓɔ Ɛlɨajalɛ, ngɨyɔ Damasɛkɛ akɛ, a꞊dya mʉgyɛndɔ wɔ maɓɨɨ ngʉwɔsɛmɨ.»

Ta nɔ ɓisi ngʉɓɔnanɨ, MAKWƆƁƗƗ ɔ꞉kio jɛnɛ agɔmɛ nɔ Abalama, akɔsugo ɓɔ: «Nenjo ɨkʉmbʉ ngɨyɛ akɔ ɓanɔnɔ ɓɔsɔɔ, anɨngwa alisini ngɨa anɔ Misili, aɓɔya alisini ngɨa ata mʉja ino ɓɔ Ɛfʉlatɨ.

Ngbinga ngɨa ɓʉɓɨɓɨ ngʉɓɔ Ɓaamɔlɨ, ngʉɓa ɨkʉmbʉ aka, ɓa꞊beluo sina-ɔɔ, ambise ɔ limbika lɔ ɓanɔnɔ ɓɔgɨna, nɔ, nɔ꞊kio sina mʉkɔmbʉ ngʉweɓo, kʉdɔ, nɔ꞊toiso dɔ tɨa ɓanɔnɔ ɓɔsɔɔ aka.»