Versets bíblics populars de Mʉkpanganɨa 21

Comparteix

MAKWƆƁƗƗ ɔ꞉mɨkɨa Sala isingo ta ndʉ aka a꞉sugo jɛnɛ-ɔɔ, nɔ, ɔ꞉minjo ɨkyɛmʉ ngɨangɔ a꞉mʉpanaka jɛnɛ.

Asɔɓɨɨ ɔ꞉mʉka mwana ngɨananɨ ndɨa, nɔ malaika wɔ Asɔɓɨɨ ɔ꞉misoko Hagalɨ anɨngwa ta inani akʉʉ ɔ ɓisi, nɔ, ɔ꞉musigio ɓɔ: «Hagalɨ, ɨmanɨ yɔ꞉nakɨɔ? Watɨkumomʉ, dɔ, Asɔɓɨɨ ɔ꞉kɔ ndɨa yɔ mwana asɔɔ ʉkanɨ, ta inani a-ɛɛ. Ɨmaa, kʉdɔ, wɔmʉsɨka mwana, nɔ, wɔmupoto iɗo, dɔ, na꞊muchiso akɔɓio ɨbaba yɛta ɨja yɔ ɓombi.»

Kʉdɔ, ɨyɔ Sala ɔ꞉tɔsio ɓʉa, ngbinga ngɨa Abalaama a꞉ɓio-ɔɔ tɨa mʉdɔɓɛ. Nɔ, ɔnɔta mwna ata gue, kʉ angbinga ngɨa Asɔɓɨɨ a꞉sugo jɛnɛ-ɔɔ.

Kʉdɔ, Sala ɔ꞉sugo ɓɔ: «Asɔɓɨɨ ɔ꞉nawiso ɓaka ɨmɨ nɔa nɔ ɨgyagya-ee, dɔ, mombi muɓomu ngɨa ɔ꞊ka suo, ɨsaʉ ngɨyɛkɛ, a꞊nɔa suo kʉ ɨhɔ nɛmɨ.

Yakamɛngana, Asɔɓɨɨ ɔ꞉sigio Abalaama ɓɔ: «Yaka ngɨyɔ Ɨsɨmaɛlɨ nɔ ɨyɔ mombi ɔ tɛa ngɨananɨ, yatɨnakɨamʉ amʉtɨma ɓɨɓɨ. Kɨa pɨ-sɨ ʉwɛ, ta yaka ngɨyɛ Sala anɔwɛ anʉngɨa. Dɔ, wɛ꞊nɨanɨa sungo nɔ ɓanɔnɔ ngʉɓɔsɔɔ ɓɔ kpɛ, ta akɔ ʉsʉkʉa ngʉwɔ Isaka.

Nɔ, akɔ yaka yɔ mwana ɔ mombi ɔ tɛa ngɨasɔɔ, na꞊mikiso ɨyɔ kʉ ɨsɛngʉʉ ɔ ɨbaba yɔ ɓombi yɛta ɨja, dɔ ɨyɔ, a kʉ mwana asɔɔ.»