Versets bíblics populars de Yɔanɨ 10

Comparteix

Mombi ɔ ndiɓo akumonio ɨyɔ ambɛnɨ ta aniɓo, nɔ maa, kʉ nɔ yanakiso. Ɨmɨ, nɛ꞉ka, dɔ, ɓombi ɓɨnɨanɨa nɔ ɓʉhɛa, nɔ ɓɨnɨanɨa naɓɔ ɓʉja nɔgbɛ.

Ɨmɨ ingainga, na mʉpɛmakɨa ata muɗo wɔ ɓakɔndɔlɔ. Mʉpɛmakɨa ata muɗo, enjo uɓei ngʉwangɔ akɔ ɓakɔndɔlɔ ngʉɓangɔ.

Ɓakɔndɔlɔ ngʉɓɔsɛmɨ ɓɛmbɨa iso ngɨyɛsɛmɨ ɨmbɨanɨ. Ɨmɨ, naɓɨmbɨa, nɔ ɨɓɔ ɓɔnakpataka kʉ ɨmɨ.

Kʉɓanɨ, ɨmɨ, naɓinjo uɓei ngʉwɔ mago nɔ mago, nɔ ɓangɛngɨtɨamʉ pɔ bele, nɔ mombi pɔ mʉngana angɔɓʉhɨnɨamʉ alɨkɔndɔ lɨsɛmɨ.

Ɨmɨ ingainga akɛ, na umongu. Ndʉ mombi akumonio ɨngbaa akɔ umongu ngʉwa ino ɓɔ ɨmɨ, ɛ꞊nɨanɨa nɔ ɓʉhɛa. A꞊kumonio nɔ ɔ꞊chwɛa, nɔ ɛ꞊nɨanɨa nɔ dyakaka.

Ɨmɨ akɛ, na mʉpɛmakɨa ata muɗo. Nɛmbɨa ɓakɔndɔlɔ ngʉɓɔsɛmɨ ɨmbɨanɨ, nɔ ɨɓɔ ɓakɔndɔlɔ, ɓɔnɛmbɨa kʉ ɨmbɨanɨ.

Aba ngɨasɛmɨ akɛ, a꞉nenjo ɨmɨ ɓakɔndɔlɔ ngʉɓɔnanɨ, nɔ ɨyɔ, amʉja akɔnagaaka ɓombi ta ɓaɓomu. Nɔ mombi pɔ mʉngana, angɔkwananamʉ ahɨnɨa ɨkyɛmʉ alɨkɔndɔ lɔ Aba. Isu nɔ Aba ngɨasɛmɨ, ta ɨkyɛmʉ ta mɛngana.»

Ngbanga kʉndʉ Aba anɛmɨ anɨmbɨa, ɨmɨ namɨmbɨa ɨyɔ Aba kʉɓanɨ. Tɨa kwananɨ ɨmɨ, nenjono-ɔɔ uɓei ngʉwɔsɛmɨ akʉʉ ɔ ɓakɔndɔlɔ ngʉɓɔsɛmɨ.

Mombi pɔ mʉngana angɔkwananamʉ nɛmɨ anungusio uɓei ngʉwɔnanɨ. Yakamɛngana, ta ɨmɨ makwɔngɔ, nakwanana nawɔ aninjo. Dɔ, kʉ ɨmɨ makwɔngɔ, nanɔ ʉpanʉ nawɔ anunguso, nɔ kʉ ɨmɨ akɛ, nanɔ ʉpanʉ nawo asɨka ɓata. Ɨyɛnɛnɨ ya ʉpanʉ ngʉwa Aba ngɨasɛmɨ, a꞉nenjo jɛnɛ.»

Kʉdɔ, Yeso a꞉matɨa naɓɔ asigio ɓɔ: «Ta ingono nanenu asigio ɓɔ, ɨmɨ ingainga akɛ, na umongu wɔ ikumba yɔ ɓakɔndɔlɔ.

Mombi ngɨa akɨa tɛa ta ayaka yɔ ɓagyɛgyɛ, angɔmʉ mʉpɛmakɨa wɔ ɓakɔndɔlɔ, nɔ sɔkɔmʉ ɨyɔ amakwɔ ɔ ɓakɔndɔlɔ kʉɓanɨ. Ɛneni kwei anɨka, ɔchwa bangʉ, nɔ ɔsɨa ɓakɔndɔlɔ ga vu. Kʉdɔ, kwei aɓʉfa, nɔ ɔɓʉpanja.

Kʉdɔ, Yeso a꞉ɓusigio ɓɔ: «Ta ingono nanenu asigio ɓɔ, mombi ɔkumonieni aikumba yɔ ɓakɔndɔlɔ, sɔkɔmʉ ɨngbaa akɔ umongu wɔngɔ, yakamɛngana, ɔɗeto ɨngbaa akɔ aga ɔngɔ, ɨyɔ, a ta mombi ɔ ndiɓo, nɔ kʉ mʉngwadeni.