Versets bíblics populars de Luka 13

Comparteix

«Kɨɛni angu akɔkumonio akɔ umongu ngʉwa wɔta kpɔkɔlɨ. Dɔ, nanenu anʉngɨa ingono, ɓombi ɓaja ɓa꞊hata sungo ɨngbaa akɔkumonio, yakamɛngana, sɔkɔmʉ ɓɛ꞊nɨanɨa nayɔ.

Moi mʉngana ngɨa mʉtɨma wɔ idu wa꞉muguɓo mʉkɔngʉ amati ɔ mago tɛkɛɓɛ nɔ ɓɛgɨna, a꞉ɓio kʉ inani, sɔkɔmʉ adaa ngɨa ayomonio pɔ bele. Ndʉ Yeso a꞉mɨna, ɔ꞉misoko, nɔ, ɔ꞉musigio ɓɔ: «Ɨna, wɔɓoonokio nɔ kaɓu ngɨa asɔɔ ɓoonokioni.»

Kʉdɔ, ɔnapɨa lɨkɔndɔ akʉʉ angɔ, nɔ ta gagaa ngɨananɨ, ɔ꞉yomonio ngbingbii, nɔ, ɔ꞉pʉnga bibiso Asɔɓɨɨ.

Nɔ tɨa kʉ ananɨ, ɓiga ngʉɓa ɓa ambise ɨtakɨtakɨ ngɨyɛ, ɓɛ꞊ka tɨa ɓombi ɓɔ pɛɨ. Nɔ ʉɓa, ɓa apɛɨ ɨtakɨtakɨ ngɨyɛ, ɓɛ꞊ka sina tɨa ɓombi ɓɔ mbise.»

Angbinga ngɨa makwɔ ɔ ɨkáá a꞊ngwa sina-ɔɔ ɨkʉʉ, nɔ, ɔ꞊dɨkpa umongu, inu, ná꞊tukoo sina ta aɓei. Kʉdɔ, ná꞊pʉnga tɨa ɓɛnda umongu asugo ɓɔ: ‹Makwɔɓɨɨ, atɨganɨa ɓaka umongu.› Ɨyɔ, a꞊nitosio sina tɨa ɓɔ: ‹Nangɔmʉ anɨmbɨa ɓɔ inu, nɛ́kɔ gbanɨ!›

Nanenu anʉngɨa ɓɔ, yangɔmʉ ɓanɨ pɔ bele. Yakamɛngana, ndʉ nángɔnechomʉ mɨtɨma, ná꞊dʉka kʉ ɓaɓomu ngbanga kʉndʉ ɨɓɔ ɓa꞉dʉka.»

Kʉdɔ, a꞊ɓutosio sina ɓata kʉ ɓɔ: ‹Nangɔmʉ anɨmbɨa ɓɔ inu, nɛ́kɔ gbanɨ! Ungweni amesu kɔsɛmɨ, inu ɓaɓomu ngʉɓa nákyɔkɨa ɓʉɓɨɓɨ.›

Kʉdɔ Yeso a꞉sugo ɓɔ: «Ɓʉngama ngʉɓɔ Asɔɓɨɨ ɓa dɔ-sɨ ngbanga nɔ ɨmanɨ? Na꞊ɓusisono dɔ-sɨ nɔ ɨmanɨ? Ɓa ngbanga ndʉ mwana ɔ ipumo yɔ ɓʉtɨ ngɨyɛ yɛta bele nɔgbɛ, ngɨyɛ mombi mʉngana a꞉ɨsɨka, nɔ, ɔ꞉ɨhʉna aɨtaka amati ɔ kʉbaa ngɨangɔ. Yɔ꞉ɓaa, nɔ, yɛka tɨa iti yɔ ɓʉtɨ, nɔ, ɓanoi ɓɔ꞉waya lɨkáá akʉʉ ɔ mɨtapʉ yɔngɔ.»