Versets bíblics populars de Jọn 10

Comparteix

Fúrúḅọ ma go ḅo nyẹ ngéré anịị nyẹ fúrú kị́nị́ḅáa na pịghị nyẹ guluguluma. A ḅomam ḅẹ́ o duma nyána pịghị bii ḅara pa anị nyána.

<<Irị anịị ibi Ánánákúrúḅọ ma. Ibi ánánákúrúḅọ ma ori duma pa kóróma ánáná ma pịrịpịrịm.

Ị́yẹ́ ánáná i pụghọ pughu pughum; a n nimim, n pịghị i dua duam.

A duma gbámásó pa n pịrịm n pịghị jẹ́ éné jẹ́ éné fịị faábịgha; gbẹ́rẹ́ḅọ sọ ine nnị pughoakịbịgha i ḅarabie.

Ịrị anịị opu ḅụ́pọ́ ma, ịḅụ ḅọ́rọ́ sọḅo ḅọ gonyẹ́ gonyẹ́ dụaḅọ́rọ́ma nyánábẹm. O sọḅobẹm pịghị saghị pághá, sị ịwọ osuka dọghụḅo.

<<Irị anịị ibi ánánákúrúḅọ ma. A ị́yẹ́ ánáná nimim ị́yẹ́ ánáná pịghị i nimim.

I Daá ánáná pa i pịrịḅọ ma gélé kị́nị́mamgba nẹngịm; gbẹ́rẹ́ḅọ sọ ine nnị pughoakịbịgha i Daá ma ḅárabie. Irị na i Daá ma na wamịnị gbẹ́rẹ́nyẹ.>>

Daḅọ ma ị nimiḅara anịị a Daḅọ ma nimiḅara a pịghị ị́yẹ́ duma saghị kóróma ánáná ma pịrịm.

Gbẹ́rẹ́ḅọ sọ i ḅarabie anị akịịghaa, kụ́ma a i ḅara na anị saghị kórómam. A kụrọ nyáná pa anị saghị kóróma pịghị kụrọ nyáná pa sima anị saghị akị. Mịị Daḅọ ma tọ́ọ i pịrịnyẹ sị a mịẹ.>>

Jizọs warị jẹ́ pa dugho ḅẹ́, <<A karakárányẹ ma dugho ọ pịrịarị. Ịrị anịị ánáná warị ma opu ḅụ́pọ́ ma.

Nnị ọkọḅọ ma, ori ánáná ma kúrúḅọgha, ọ pịghị ánáná ma nyánágha. Anịgo o tuú árị anị ḅoarị sa, ori ánáná ma kóróma mangisobẹm. Anịsáa tuú ma owu pa ánáná kpo ma pághámabẹm, sị n gálágáláma.

Jizọs warị ḅẹẹ, <<A karakárányẹ ma dugho ọ pịrịarị: ḅụ́pọ́ ḅụ ḅọ́rọ́ ánáná warị ma sọghaḅọ, kụ́ma warị jẹ́ angaá ḅọ́rọ́ tándị sọ, anị tumḅọ ma fúrúḅọ pịghị kụrọ pa nyẹ fúrúḅọ.