Versets bíblics populars de Luk 22

Comparteix

Warị ḅẹẹ, <<Daá, ḅọ́rọ́ mị ị́ anịị i tọ ḅara mịị tọ́rụ́siarị ọmọngọ ma si ịḅụ. Kụ́ma a tọ ḅaragha, ị tọ́nyẹ mịẹ.>>

Kụ́ma, Saimọn, a tẹ́ghẹ̄ ị pịrịmam ḅẹẹ ị́yẹ́ minini bịghịbịgha ḅara. I pịghịma i damaḅo sa ị́yẹ́ amịna owiapụ kụrọma.>>

Ọ warị pịghị fịtúrú mpara akị warị imiẹḅa pa Tamuno ḅẹẹ, warị anị puu n pịrị ḅẹẹ, <<Mịị ị́yẹ́ ojumẹnị ma n pa ọ pịrịnyẹ ma ọmịna sịbị goo. Ọ mịma mịẹsị i pa biekóróma.>>

Anị gbẹ́rẹ́ ḅara ma, ori ọmọngọ ma pa n pịrịm n ḅupiri fị́nyẹ ma fị́fáma sáá, ḅẹẹ, <<Mịị ọmọngọ ma anịị Tamuno ịwọ ọḅọọ nnị ị́yẹ́ ọmbịnyẹ́ ma pa kpọtẹ́lẹ́ma nyẹ, nnị sara nyẹ ọmịna sịbị go.

Opu akụ ḅụ ori ọ tẹ́mẹ́ gbọrụ pa tẹ́ghẹ̄m; ọ ḅụ págharị imoo warị kpọ koroarị ọmbịnyẹ́ ḅara.

Kụ́ma, ọmịnị anị ọkọ pa ọ nana fịnị ma. Ọmịna bie géléḅa ḅọ ma ḅụ warịbẹm sọ́ḅọ́rọ́ ori ịrụ́ḅam, táarịḅọ sọ́ḅọ́rọ́ fịrịnwangị n pịrịarịḅọ.

Jizọs warị ọ ḅẹẹ, <<A dugho ị pịrịarị Pita, ḅẹẹ, mịị dii i tẹ́rẹ́ a sáá pa i pighibẹm ọbịọ ma na pághá sáá, ḅẹẹ ị́ inimigha.>>