Versets bíblics populars de Genesis 32

Comparteix

Ne a man taigi en taki: “Den no sa kari yu Yakob moro ma Israel. Bika yu feti nanga Gado, yu feti nanga libisma èn yu wini.”

Dan a taigi Yakob taki: “Lusu mi meki mi gwe bika dei broko kba.” Ma Yakob taigi en taki: “Mi no o meki yu gwe solanga yu no blesi mi.”

Yakob wawan tan na baka. Dan wan man feti nanga en te leki dei broko.

Yakob kari a presi Pniel. A taki: “Mi si Gado ai na ai ma mi no dede.”

Di a man si taki a no ben man wini Yakob, a naki en na a bigin fu en bowtu pe a skrufu de, meki a kmoto ini a komki.

Dan a man aksi en taki: “Fa yu nen?” Yakob piki: “Yakob.”

Dan Yakob aksi en taki: “Taigi mi fa yu nen.” Ma a man piki en taki: “Fu sanede yu wan sabi fa mi nen?” Dan a man blesi en drape.

Mi no warti fu ala den bun di yu du gi mi. Yu tan sori yu knekti taki a kan fertrow na yu tapu. Bika nanga mi wakatiki wawan mi ben koti a Yordanliba abra. Now mi abi so furu taki mi kan prati den ini tu kampu.

Fu a sani disi ede den sma fu Israel no e nyan a meti di de tapu a komki fu a bowtu. Bika a man ben naki Yakob na a presi dati.

Ne Yakob taki: “Gado fu mi afo Abraham èn Gado fu mi p'pa Isak. MASRA, yu di taigi mi taki: ‘Drai go baka na yu kondre. Go na yu famiri. Mi sa meki sani go bun nanga yu.’

Yepi mi fu mi no fadon ini anu fu mi brada Esau, bika mi e frede en. Kande a o kon fu fon mi, den m'ma nanga den pikin.