Versets bíblics populars de मर्कुस 13

Comparteix

पइ मेरा नाउँका खातिर तमुलाइ सप्‍पइले घिणा अद्‌द्‌याछन्, तर जो अन्‍त्‍यसम्‍म स्‍थिर रन्‍या छ तसइको उद्‍दार हुन्‍या छ।

होसियार बस्‌, जागा बस। क्‍यालाइकि त्‍यो बेला कइल आउन्‍या हो, त्‍यो तमलाइ था आथिन्‌।

जबइ मान्‍सले तमुलाइ पकणिबर लइजान्‍या छन्‌ रे मुद्‍दा चलाउन्‍या छन्, तबइ क्‍या बोल्‍लो भनि अगाडिबटहइ चिन्‍ता जनअर। तर तसइबेला परमेस्‍वरले तमुलाइ ज्‍या बोल्‍ल दिन्‍या छन्‌, तेइ बोल। क्‍यालाइकि बोल्‍ल्‍या तमु हइनउ, तर पबित्‍तर आत्‍मा हुन्‌।

अग्‍गास रे धर्ति बितिबर जान्‍या छ, तर मेरा बचन बित्‍या आथिन्‌।

“तर तइ दिन रे तइ समयका बारेमि परमेस्‍वर पितालाइ मात्‍तरइ था छ। यो कुरा स्‍वर्गमि भया स्‍वर्गदुत रे परमेस्‍वरका चेलालाइ लइ था आथिन्‌।

जबइ तमुले लडाइ रे लडाइका हल्‍ला सुन्‍न्‍याछउ, तबइ जनडराय। यसा घटना हुनइ पड्‍डया छ। रे अन्‍तिम दिन आउन अज बाकि छ।

तबइलाइ तमु लइ जागा बस, क्‍यालाइकि घरका मालिक बसाइतिक, या त आधा रातमि, कि भाल्‍या बास्‍न्‍याबेला, कि प्रभातइ, कइल आउन्‍या हुन्‌ त्‍यो तमुलाइ था आथिन्‌। नति उ अचानक आइबर तमुलाइ सिरया भेटलो। ज्‍या मु तमुलाइ भुन्‍नउ त्‍यो मु सप्‍पइलाइ भुन्‍नउ, चनाखो होइबर बस।”

क्‍यालाइकि जातिका बिरुदद्‌मि जाति, रे राज्‍यका बिरुद्‍दमि राज्‍य हुन्‍या छ। ठउँर ठउँर भुइचालो जान्‍या छ, अनिकाल पड्‍डया छ। यिनु कुरा त दु:खका सुरु मात्‍तरइ हुन्‌।

तर अन्‍तिम दिन आउनु भन्‍ना पइल्‍लि सप्‍पइ जातिलाइ असल रइबार प्रचार अरिनु पणन्‍छ।

क्‍यालाइकि मेरा नाउँमि ‘मुक्‍ति दिन्‍या ख्रिस्‍ट मइ हुँ’ भुन्‍नइ भउतइ आउन्‍या छन्।

“तमु आफना बिसयमि होस अरिबर बस। मान्‍सले तमुलाइ अदालतमि सउँपिदिन्‍या छन्, पइ सभाघरमि चुटाइ खान्‍या छउ, हाकिम रे राजाका अगाडि मेरा खातिर तिनुलाइ गवाइ दिनाइलाइ तमु खडा हुन्‍या छउ।

क्‍यालाइकि झुटा मुक्‍ति दिन्‍या ख्रिस्‍ट रे झुटा अगमबक्‍ता खडा हुन्‍याछन्, पइ सम्‍भब भयासम्‍म छानियालाइ भ्रममि पाड्‍डाइ तिनुले चिन्‍ह रे अचम्‍मका काम लइ अद्‌द्‌याछन्।

“तिनु दिनमि तइ माहासङकट पछाडि सुर्य अन्‍यारो हुन्‍या छ, रे जुनले आफनो चमक दिन्‍या आथिन्‌। तारा स्‍वर्गबटहइ झड्‍डया छन्, रे स्‍वर्गमि भया सप्‍पइ सक्‍ति हल्‍लिन्‍या छन्।