Versets bíblics populars de लूका 12

Comparteix

ठिक उन्‍नि तुम भि तयार रा, किलैकि जै बगत का बारा मा तुमुन सोची भि नि होलु, वे बगत मनखि को पुत्र ऐ जालु।”

पर पैलि परमेस्वर का राज की खोज कैरा, तब यू सब चीज भि तुमतै मिली जालि।”

अर वेन यू भि बोलि, “ध्यान रखा, हरेक किसम का लालच बटि खुद तैं बचै के रखा, किलैकि मनखि का जीवन की कीमत वेका जैजाद बटि नि नपै जै सकदी।”

किलैकि जख तेरु धन रालु, उखि तेरु मन लग्यूं रालु।”

अर तुम मा बटि इन्द्रयो मनखि कु च, जु चिन्ता-फिकर कैरिके अपणी उमर मा एक घड़ी भि बढै सैको।

तब यीशु न अपणा चेलों कू बोलि, “इलै मि तुम खुणि बोन्‍नु छौं कि अपणा जीवन की चिन्ता-फिकर नि कैरा कि हम क्या जि खौला, अर ठिक उन्‍नि अपणा सरील की चिन्ता नि कैरा कि क्या जि पैरुला।

अर या बात सच्‍च च, कि तुमरा मुण्ड़ का सब बाळ भि गिणयां छिन, इलै डौऽरा ना, किलैकि तुमरि कीमत भौत घिंडुडियों से भि जादा च।”

अर यीशु न ऊंकू बोलि, “हे मेरा छुटा दल, नि डौऽर किलैकि तुमरा पिता तैं यू ही अच्छु लगि कि वु तुमतै स्वर्ग को राज द्‍यो।

अर कवौं तैं ध्यान से देखा अर सोचा, किलैकि वु नऽ त बुतदा छिन अर ना ही लवै करदिन, अर नऽ त ऊंका गुदाम होनदिन अर ना ही ऊंका कुठार होनदिन, फिर भि परमेस्वर ऊंतैं खिलान्दु च, पर तुमरि कीमत त ऊं पंछियों से भि जादा च।

इलै तुम यों बातों की खोज मा नि रा अर ना ही चिन्ता कैरा, कि क्या जि खौला अर क्या जि प्यूला।

इलै जब परमेस्वर एक तपड़ की घास तैं ज्वा कि आज च अर भोळ वींन आग मा फुकै जाण, जब परमेस्वर ऊंतैं इन सजै सकदु च, त हे कम बिस्वास रखण वळा लोगु, उ तुमतै येसे जादा किलै नि पैरालु।

अर इन्दरि कुई भि बात नि च ज्वा परमेस्वर बटि छिपी हो, अर ना ही कुई इन्द्रयो गुप्‍त भेद लुक्युं ज्यां को वेतैं पता नि हो, अर उ वेको खुलासा उज्याळा मा करलु।