Versets bíblics populars de लूका 14

Comparteix

“अगर कुई मनखि मेरु चेला बणण चान्दु हो, मगर उ मनखि अपणा ब्वे-बाब, घरवळी अर अपणा बाल-बच्‍चों तैं अर अपणा भै-बैंणो तैं इख तक की अपणा पराण तैं मिसे भि जादा प्यार करदु हो, त इन्द्रयो मनखि मेरु चेला नि ह्‍वे सकदु।

अर जु कुई अपणी क्रूस तैं बिन बिज्यां मेरा पिछनै चलदु उ भि मेरु चेला नि ह्‍वे सकदु।

किलैकि जु कुई अफु तैं बड़ु बणालु उ छुटो किये जालु, अर जु कुई अफु तैं छुटो बणालु उ बड़ु किये जालु।”

अर इन्‍नि तुम मा बटि जु कुई मेरा खातिर अपणी जैजाद तैं छुड़णु खुणि तयार नि हो, उ भि मेरु चेला नि ह्‍वे सकदु।”

“अर तुम मा बटि इन्द्रयो मनखि कु च जु एक गढ़ बणौण चान्दु हो, अर पैलि बैठि के खर्चा का बारा मा हिसाब-किताब नि कैरो, कि गढ़ बणाणु खुणि मेरी हैसियत छै भि च कि नि च? अर जब उ मनखि बिन सोच्यां बुनियाद तैं रखी द्‍यो पर पूरु बणै नि सैको, त मि तुमतै बतै देन्दु कि, तब सब दिखण वळा लोग वेकू मजाक उड़ौण लगि जाला। अर बोलला कि, ‘देखा यू मनखि गढ़ बणाण चान्दु छौ, मगर येन पूरु नि बणै सैकी।’

पर जब तू दावत दिली, त गरीबों, लूला-लंगड़ो अर अन्धों तैं बुलै। तब त्वेतै परमेस्वर की तरफा बटि आसीस मिलेली, किलैकि ऊंका पास त्वेतै वापिस लौटाणु कू कुछ भि नि च। मगर मुरदो मा बटि ज्यून्द होण का दिन पर जब धरमी लोग ज्यून्दा होला, तब त्वेतै वेको फल मिली जालु।”

“लूण त अच्छु च, पर अगर जु लूण को स्वाद ही खतम ह्‍वे जौ, त फिर वेतैं कनकै लूणयां किये जै सकदु? फिर उ नऽ त जमीन खुणि अच्छु च अर ना ही खाणुक मा मिलाण का लैख, वेतैं त लोग भैर ढोळि देन्दिन। अर जैका पास सुनणु खुणि कन्दूड़ छिन उ सुणी ल्यो।”