Versets bíblics populars de लूका 9

Comparteix

तब यीशु न ऊं सभ्यों कू बोलि, “अगर कुई मेरा पिछनै औण चान्दु, त उ अफ तैं नकारी द्‍यो, अर दुख अर मौत तैं झिलणु खुणि हर रोज तयार ह्‍वेके मेरा पिछनै चलु।

किलैकि जु कुई अपणा पराण तैं बचौण चालु, उ वेतैं ख्वे द्‍यालु। मगर जु कुई मेरा खातिर अपणा पराण तैं ख्वे द्‍यालु, उई सदनि का जीवन तैं पालु।

तब यीशु न वेकू बोलि कि, “हौळ लगौण का बगत जु कुई भि पिछनै मुड़ि के दिखदु, इन्द्रयो मनखि परमेस्वर का राज का लैख नि च।”

अर अगर कुई मनखि सरा संसार की हर चीजों तैं हासिल कैरी द्‍यो, मगर उ अपणा पराण तैं ख्वे द्‍यो याने कि वे बटि वेको पराण ले लिये जौ, त वेतैं फिर क्या फैदा ह्‍वे?

अर जु कुई मि बटि अर मेरा वचनों बटि सरमान्दु, त जब मनखि को पुत्र अपणी अर अपणा पिता अर पवित्र स्वर्गदूतों की सामर्थ का दगड़ा मा वापस आलु, त उ भि वे मनखि से सरमालु।

तब यीशु न वेकू बोलि, “स्याळों का उड़्यार अर पंछियों का घोल होनदिन, पर मनखि का पुत्र का पास इन्दरि कुई जगा नि च, जख उ रुकी के आराम कैरो।”

“जु कुई मेरा नौ से ये बच्‍चा तैं स्वीकार करदु उ मितैं स्वीकार करदु, अर जु कुई मितैं स्वीकार करदु उ वेतैं स्वीकार करदु जैन मितैं भेजि च। किलैकि तुम मा बटि जु कुई भि दीन बणि के चललु, उई सबसे खास होलु।”