Versets bíblics populars de मरकुस 12

Comparteix

तब वेन जबाब देई, “आज्ञाओं मा बटि सबसे खास आज्ञा या च कि, “‘हे इस्राएल का लोगु सुणा, प्रभु जु कि हमरु परमेस्वर च, उई हमरु प्रभु च। अर तू अपणा प्रभु परमेस्वर तैं अपणा पूरा मनळ, अपणा पूरा पराणळ, अर अपणी पूरि अकलळ, अर अपणी पूरि ताकतळ प्यार कैर।’ अर दुसरि आज्ञा या च कि, ‘जन प्यार तू खुद से करदी, उन्‍नि प्यार तू सब लोगु से कैर।’ यों से बड़ी कुई और आज्ञा नि छिन।”

तब यीशु न अपणा चेलों तैं अपणा पास बुलै के बोलि, “मि तुम बटि सच्‍चि बोन्‍नु छौं कि जु दान लोग दान-पेटि मा डलणा छिन, ऊंमा बटि सबसे जादा डलण वळी या विधवा च। किलैकि सभ्यों न त अपणी भरपूरी मा बटि डालि, मगर अपणु गुजर-बसर करणु खुणि जु कुछ भि ईं विधवा का पास छौ, वींन अपणी गरीबी मा बटि वु सब कुछ डालियेली।”

अर यीशु मन्दिर मा दान-पेटि का समणि बैठि के दिखणु छौ, कि लोग दान-पेटि मा दान कनकै डलणा छिन। अर भौत सा सेठ लोगु न भौत कुछ डालि। कि तबरि एक गरीब विधवा न ऐके तांबा का दुई सिक्‍का डलिनी, जौं कि कीमत एक पैसा का बराबर छै।

अर वेसे अपणा पूरा मनळ, अपणी पूरि अकलळ, अर अपणी पूरि ताकतळ प्यार करण चयेणु। अर जन प्यार हम खुद बटि करद्‍यां, ठिक उन्‍नि हम सब लोग से कैरा, किलैकि इन करण भेंट अर बलिदान चड़ौण से भौत जादा अच्छु च।”

तब वेन ऊंकू बोलि, “जु रोमी महाराज को च उ महाराज तैं द्‍या, अर जु परमेस्वर को च उ परमेस्वर तैं द्‍या।” अर या बात सुणी के वु भौत ताजुब मा पोड़ि गैनी।