Versets bíblics populars de لُوقَا 3

Comparteix

و لَمّا كُل النّاس إتعَمَّدو، و بَعَد ما يَسُوع كَمان إتعَمَّد، و وَكِت ما كان بِصَلّي، السَّما إنفَتَحَت. و الرّوح القُدُس نَزَل عَليهو في شَكِل جِسم زي حَمامَه. و جا صوت مِن السَّما يَقول: ”إنتَ إبني الحَبيب، و أنا مَبسوط مِنَّك.“

رَدَّ عَليهُم يُوحَنَّا: ”صَحيح، أنا بَعَمِّدكُم بِالمويَه، لَكِن بِجي واحِد قَوّي مِنّي. و أنا ما مُستَحِق أفِك جِزَمو. و هو بِعَمِّدكُم بِالرّوح القُدُس و النّار.

جيبو ثِمار مُستَحِق التّوبَه، و ما تَبتَدو تَقولو في نُفوسكُم: أبونا هو إِبْرَاهِيم. عَلَشان كِدا أقول ليكُم، الله يَقدَر يَقَوِّم أولاد لِإِبْرَاهِيم مِن الحُجار ديل.

و هَسَّع الفاس عَلى عِرق الشَّجَر. و كُلّو شَجَرَه الما تَجيب ثِمار سَمِح، يَقطَعوها و يَرموها في النّار.“

مِثِل ما مَكتوب في كِتاب إِشَعْيَاء النَّبي: ”صوت بِنادي في الخَلا: حَضِّرو طَريق الرَّب. أعمِلو السِّكَك بِتاعتو دُغري. كُلّو خور بِكون مَرفوع، و كُلّو جَبَل كَبير و صَغَيِر بِكون مِتساوي، و المَعَوَّج يَبقى عَديل، و الدَرِب الدَقداق يَبقى ساهِل، و كُلّو إنسان بِشوف خَلاص الله.“