Versets bíblics populars de ᓘᑲᓯᐅᑉ ᐊᒡᓚᖏᑦ 9

Comparteix

ᔩᓱᓯᐅᑉ ᑕᕝᕙᓃᑦᑐᓕᒫᑦ ᐅᖃᐅᑎᕔᑦ, “ᐅᕙᓐᓂᒃ ᒪᓕᒍᒪᔪᖃᕐᐸᑦ, ᐃᓱᒪᒥᓂᒃ ᐃᓅᔪᒪᔪᒃᓴᐅᓐᖏᓚᖅ, ᓴᓐᓂᖓᔪᓕᒃᓴᒥᓂᒃ ᖃᐅᑕᒫᑦ ᐊᒡᔭᕐᓯᔪᒃᓴᐅᕗᖅ ᒪᓕᒡᓗᖓᓗ.

ᓇᓪᓕᐊᑦ ᐃᓅᓯᕐᒥᓂᒃ ᐱᓯᒪᓇᓱᓗᐊᕐᑐᖅ ᐃᓅᓯᕐᒥᓂᒃ ᐊᓯᐅᔨᔪᒫᕐᐳᖅ; ᓇᓪᓕᐊᓪᓕ ᐃᓅᓯᕐᒥᓂᒃ ᐊᓯᐅᔨᔪᖅ ᐱᑦᔪᑎᒋᓗᖓ, ᐃᓅᓯᓂ ᐱᐅᓕᔪᒫᕐᐹ.

ᔩᓱᓯᐅᑉ ᑭᐅᕚ, “ᓇᓪᓕᐊᑦ ᐱᕈᕐᓰᕕᓕᐅᕈᑎᒥᓂᒃ ᑎᒍᓯᔪᖅ ᓴᓇᓯᒋᐊᕐᓗᓂ, ᑭᖑᒧᑦ ᕿᕕᐊᕈᓂ, ᐊᑐᕐᑕᐅᔪᓐᓇᓐᖏᓚᖅ ᒎᑎᐅᑉ ᐊᑕᓂᐅᕕᖓᓄᑦ.”

ᐃᓄᒃ ᓱᓇᒥᒃ ᐱᕙᓪᓕᕈᑎᖃᕋᔭᕐᐹ, ᓯᓚᕐᔪᐊᓕᒫᖅ ᐱᑖᕆᒐᓗᐅᕈᓂᐅᒃ, ᓇᖕᒥᓂᕐᓗ ᐃᓅᓯᕐᒥᓂᒃ ᐊᓯᐅᔨᖔᕐᓗᓂ ᐊᑑᑎᒃᓴᖃᕈᓐᓃᑎᒃᑯᓂᐅᒃ?

ᐃᓅᑉ ᓇᓪᓕᐊᑦᑕ ᑲᓐᖑᓲᑎᒋᒃᐸᖓ ᐃᓄᖕᓄᑦ ᐊᔪᕆᕐᑐᐃᑦᔪᑎᒋᔭᒃᑲᓗ, ᑖᓐᓇᑦᑕᐅᖅ ᐃᓅᑉ ᐃᕐᓂᖓᑕ ᑲᓐᖑᓲᑎᒋᔪᒫᕆᕚ ᓂᕐᑐᕐᓇᕐᑐᕐᔪᐊᖑᓗᓂ ᑎᑭᒃᑯᓂ ᐊᑖᑕᐅᑉ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓪᓗ ᐃᑦᔪᕐᓁᑦᑐᑦ ᐃᓚᒋᓗᒋᑦ.

ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᖢᑎᒃ; ᐃᓅᓪᓕ ᐃᕐᓂᖓ ᓇᓂᑐᐃᓐᓇ ᓯᓂᒡᕕᒃᓴᖃᓐᖏᓚᕐᓘᓐᓃᑦ.”

ᑖᒃᑯᐊ ᐅᖃᐅᑎᕔᑦ, “ᓇᓪᓕᐊᑦ ᐆᒥᖓ ᓱᕈᓯᑯᓗᖕᒥᒃ ᐃᓚᓕᐅᕐᓯᔪᖅ ᐱᑦᔪᑎᒋᓗᖓ ᐅᕙᓐᓂᒃ ᐃᓚᓕᐅᕐᓯᕗᖅ, ᐅᕙᓐᓂᒡᓗ ᐃᓚᓕᐅᕐᓯᔫᑉ ᐅᕙᓐᓂᒃ ᑎᓕᓯᔪᖅ ᐃᓚᓕᐅᕆᕚ; ᐃᓕᑦᓯᓐᓂᑦ ᒥᑭᓐᓂᕐᐹᖑᔪᖅ ᑖᓐᓇ ᐱᓚᕆᐅᓂᕐᐹᖑᕗᖅ.”