Versets bíblics populars de San Lucas 19

Comparteix

Tayta Diosninchi caćhamasha. Juchaćhu arujcunata ashircur, Tayta Diosninchiman cutichij shamushcä.»

Llapallan cushicuywan japarparan: «Tayta Diosninchi caćhamushan mandaj runa alli ricash caycullächun. Maquinćhu allilla purichimächun. Janaj pachaćhüpis jatunpa cushicullächun» nir.

Jesúsna niran: «Zaqueo, auquilluyqui Abraham-jina wiyacushayquipita yawar-masintiquita Tayta Diosninchi wamrachacushcashunqui. Juchayquitapis mana yarparanganachu.

Yüra ćhaquinpa aywaycashanćhu ćhuquircur Jesús niran: «Zaqueo, yarpamuy. Wasiquićhu pachächimänayqui camacan.» Zaqueuna juclla yarpuran. Cushi-cushilla wasinman pusharan.

Micupacurir, llapanpa ñaupanćhu Zaqueo niran: «Tayta Jesús, wacchacunata imäcunatapis pullanta raquipushaj. Pipa imallantapis suwapash carga, ćhuscu janapayyujta cutichishaj.»

Runacuna cushicuptinsi, waquin fariseucuna Jesústa piñacuran: «Tayta, purïshijniquicunata upällachiy» nir. Jesúsna niran: «Upällachiptï, rumicunapis cushicuywan rimarinman.»