Versets bíblics populars de Oknayene Ibo 1

Comparteix

Ana God ere mogl, yegl dugwa, Nono yoba beke yenamniwe dugwa. Yoba nono munere moraiglmedi beke yenamga. Beke yomun, ye dumo makan mudu ya taragl pra pra makan mina wan meglkwa i, bitno mere mogl, sugl moraiglkwa. Ye buglo bagle ki sugl moglsre, kua ki sugl moglsre, agl bugla ya taragl pra pra makan mina wan meglkwa i ama sugl moglsre, yegl eraiglmiwe di, yegl dugwa. Ana God yoba beke yogwa. Yene moglmere moraiglmedi beke yogwa. Yagl ya abu beke yogwa.

God yoba beke yedre, ogo kade ake mina ede, di wakai yei togwa, Ene gak mere kide kuglsro! Mere kide kiur, yoba mere meglbi, ene yoba dumo pere pere pi mogl, dumo makan mudu sugl moraiglkwa. Ana buglo bagle ya te, kua ya te, taragl pra pra makan mina wan meglkwa i, na ene yoba ye bitno mere yegl ediga. Ene ye bitno mere mogl, sugl moraiglmiwe di, yegl dugwa.

Okna kaima ibo, God kamun mina ibo ya dumo makan ere yogwa.

Ere yogo, makan erme yomere yekre, wau kaima yogwa. Makandigle nigl kau sugo, mim wai di yogwa. Yegl eruko, God Murubuglomo nigl tebe winabo di wan moglkwa.

Ana God ere mogl, Abuglage sinabiwe dugo, abuglage sugwa.

Ana God taragl mudu ere yei kodugwa kanugwa i, mudu wakai kaima yogo, kanugwa. Ana min padre, tagugwa ege i, ege namba 6 yogwa.

Abuglage sugo, God kanugwa i, wakai yogo, kanugwa. Kandre, abuglage sinabuka ege i pere ede, mim erabuka ege i pere ede, erukwa.

Yegl didre, ye ere mogl, ka yegl di togwa, Ene priro! Ede ya kugl kan mogo keglkwa dumo pra pra paigwa. Paigwa i, ene yoba nenaiglkwa pre na ene teiwe di, yegl dugwa.

Ana abuglage sugwa ege i we, etne we dugwa. Te, mim erukwa ege i we, eduer we dugwa. Ana min padre, tagugwa ege i, ege keremoknaye yogwa.

Ana ege namba 2 i we, God ere mogl, Nigl makandigle moglkwa ikra i pere pere edenagle dugwa. Nigl tau makandigle pai moran, tau mitna ibo morabuka. Ana suna i we, agai ta yenabiwe di, yegl dugwa.

Didre, Ana dua kabu ya kua ya taragl pra pra makan mina wan meglkwa i we, kugl kan ya ede yaudo ki nenaiglkwa pre na ama ere yei teiwe di, yegl dugwa. Dugo, ye dumere pai yugwa.

Ana ege namba 4 i we, God ere mogl, yegl dugwa, Kamun mitna ibo, taragl tau pai, abuglage sinaiglmiwe dugwa. Abuglage sibi, etne i pere ede, eduer i pere ede, eraiglkwa. Ersre, ye ama taragl kane kane i nogugl edenaiglkwa. Ege kor ya bugla yugu kor yenabuka igne i nogugl ede, kamun sinabuka egemo mo ade denabuka egemo ama i nogugl ede, yegl eraiglkwa.

Ana God ere mogl, yegl dugwa, Makan mina ede ya kugl kan kane kane wi si, parenaiglmiwe dugwa. Kugl mogo koraiglkwa, keglbi, ede ama mogo keglbi, mogono atne panabuka. Ana kugl ya ede mogo keglbi, mogo i ama wi si, parimere yegl keme pare, mogo kogl, eraiglmiwe di, yegl dugwa. Dugo, ye dumere pai yugwa.

God dugo, ye dumere pai yugwa. God agai ikra ere yogo, nigl tau makan mitna moglko, nigl tau agai i ere yomara mitna ibo moglkwa.

Makan mina kugl kan kane kane mogo koraiglkwa pariko, te ede kane kane mogo koraiglkwa pariko, mogono i ama wi si parimere yegl keme pare mogo kogl erikwa. Eriko, God kanugwa i, wakai yogo, kanugwa.

God taragl suo abuglage podo sinabredi ere yedre, kugl kuri ama ere yogwa. Ana taragl suo abuglage podo sinabrika pre ere yogwa i we, ade etne abuglage podo kaima sinabedi ere yedre, te, ba eduer abuglage kebra dagl sinabedi ere yogwa.

Ana ege namba 3 i we, God ere mogl, yegl dugwa, Nigl makan mina moglkwa ikra we, ede pi dumo swara ta morabiwe dugwa. Nigl dumo swara ta moran, nigl moglkrabara i we, makan gaba yenabiwe di, yegl dugwa. Dugo, ye dumere pai yugwa. Ana agai nigl moglkrumara i we, God makan gaba we dugwa. Te, nigl ede pi agai swara ta moglmara i we, mudi nigl we dugwa. Ana God makan gaba ya mudi nigl kanugwa i, wakai yogo, kanugwa.

Kandre, God ogo kade ake mina ede, taragl nigle meglkwa i di wakai yei togwa, Ene gagro mere kulo! Kiglbi, nigle taragl mere kide moraiglmiwe dugwa. Didre, ye ama Kua mere moraiglmiwe dugwa.

Ana ege namba 6 i we, God ere mogl, yegl dugwa, Taragl kane kane makan mina moraiglmiwe dugwa. Agl bugla kane kane ya te, dua kabu kane kane ya te, taragl kebra kane kane makan mina wan moraiglmiwe di, yegl dugwa. Dugo, ye dumere pai yugwa

Ana ege namba 5 i we, God ere mogl, yegl dugwa, Nigle taragl kane kane, mere kide moraiglmiwe dugwa. Nigl mina meglbi, kua ama kamun mitna pru di wan moraiglmiwe di, yegl dugwa.

God dua kabu kane kane ere yedre, agl bugla ere yedre, taragl kebra kane kane makan mina wan moraiglmedi ere yogwa. Ere yogwa i, taragl swara swarade yene pere pere meglmere mere gagro pere pere kuraiglkwa ere yogwa. Ere yogwa, meglko, God kanugwa i, wakai meglko, kanugwa.