Versets bíblics populars de Jon 5

Comparteix

Jisas ka yegl didre, ama yegl dugwa, Na ene ka kaima di teiga, Yoba ta na kana prisre, God na dedugwa i kaima dumedi pre meduglkwa i, ye aimadi kamin kor morabuka i, i kodugwa. Ye geglkwa yugobunomo kide kodidre, ede pi kor meglkwa yugobunomo i mina pi kodugwa. Te, God ye okuo yoba ka tage tenabuka i, ye yoba i ta ka tage tekrabiwe dugwa.

Pai moglko, Jisas wan u kanugwa. Kandre, yagl i kamun kuade kide sumedi pre kan ersre, ye di pre, yegl dugwa, Kidenen aragan erabedi pitno? dugwa.

Ene God kamo pre pogl sinamnedi kere moglsre, kerimara i mina ene wakai munedi prisre, aimadi kamin kor moraiglkwa i, ene i kodumnedi prikwa ba God kamo i, na ira moglka i, i nogugl edugwa. Yegl pre ene God kamo kersre, na moglmara u aimadi kamin kor moraiglkwa i, ibi, kuno erukwa ba ene na moglmara unaiglkwa i, enene mane dimiwe dugwa.

Yegl dugo, Jisas ye di tedre, Ene adigl, kuguglnen ake idre, konbauna ede po! dugwa. Dugo, yagl i oglade aragan eruko, ye kugugl mina pai moglkwa ikra ake idre, adigl ede ogwa. Ana ege i wakan kade ege yogwa

Ana Jisas aglke kor yegl dugwa, Na ene ka kaima di teiga, na God Wam moglka i, na nana primere kogon eribo, i kuno ta erekrabuka. Na Nina kogon siragl mere erukwa i, na kandre, ye erumere keme erika.