Versets bíblics populars de Luk 23

Comparteix

Ede prak mina si padiglko, Jisas kamage ere, yegl dugwa, Nina yo, ye tadaglme erikwa i, gugl ede to. I siragl pre ye aglau erikwa i, ta pre kan erekrimiwe dugwa. Te, soldia wagle i, ye Jisas kuguglmo gaglmo yubu si inamnedi kas mere yegl sigwa.

Yegl dugo, Jisas di ikne ede, yegl dugwa, Na ene kaima di teiga. Ene erme na bogl akie dumo wakaile morabugle di, yegl dugwa.

Yegl didre, ama Jisas yegl di togwa, Jisas yo, ene king moratnga igne, ene na pre moratnedi priwe dugwa.

Ana taragl yegl plau dugo, Jisas ka podo yegl dugwa, Nina yo, na kiana ene ogon mina yeiwe dugwa. Ye yegl didre, goglkwa.

Ye auro i pi dumo ta Bitno Yobuglo Dumo we dimara i pidre, Jisas ya kunogl gogl yoba suo i, ede prak mina si padiglkwa. Ye Jisas suna si padiglko, kunogl gogl yoba swara ta ye ogo wo kra paugo, swara ta ye ogo koda kra paugwa.

Ana igne i 12 klok mere yogo, ege i ede pi 3 klok mere yegl, dumo magigl i mudu ake mim erukwa. I siragl pre ade abuglage sikrukwa. Te, tawa teigwa yugu yugugl i, lap podo ta kogl kegl digwa i, suna wom argla dugwa.

Jisas goglko, yagl ta soldia 100 mere bitno moglsre, magigl kan moglkwa i, ye taragl kane kane plau dugwa i kandre, God kagie kade te, yegl dugwa, Yagl goglkwa i, ye kaima yagl du ta moglkwa pamiwe dugwa.